Fehe Kpọn̄ Use Nte Joseph Ekefehede

Se Joseph akanamde ayan̄wam nnyịn edieke ẹdomode ndinam nnyịn inam use. Enye ikenyịmeke ndidan̄ ye n̄wan eteufọk esie ofụri ini emi mma oro akafịnade enye. (Ge 39:7-10) Joseph ndikọdọhọ: “N̄keme didie ndinam utọ akwa idiọkn̄kpọ emi nnyụn̄ ndue Abasi?” owụt ke enye ama ebebem iso ekere nte Jehovah esede efịbe mbemiso idomo oro. Ini eketiede nte idomo oro ọmọn̄ akan enye ubọk, enye ama efehe adaha utu ke ndituak nda yak mma oro ada nneminua anam enye edue Abasi.—Ge 39:12; 1Co 6:18.

ẸSE VIDIO ORO ẸFEHE ẸKPỌN̄ OBUROBỤT IDO, EKEM ẸBỌRỌ MME MBỤME EMI:

• 

  Nso iketịbe inọ Jin?

• 

  Nso mbụme ke Jin okobụp idemesie ini Mee-Kyong ọkọdọhọde enye an̄wam imọ anam ibat?

• Eketie Jin didie ke idem ke ini Mee-Kyong ọkọdọhọde enye an̄wam imọ?

• 

  Didie ke ẹken̄wam Jin?

• 

  Didie ke Jin ekefehe ọkpọn̄ oburobụt ido?

• Nso ke vidio emi ekpep fi?