Se Idin̄wamde Nnyịn Idi Nti Mme Ọkwọrọikọ—Nte Akpadade Fon Ọkwọrọ Ikọ

NTAK EMI EDIDE AKPAN N̄KPỌ: Fon edi n̄kpọ kiet emi ekemede ndin̄wam nnyịn inen̄ede ikwọrọ ikọ. (Ut 20:24)a Imekeme ndida fon n̄kwọrọ ikọ nnọ owo ekpededi nte n̄kpọ etiede iyakke ikụt owo oro iso ye iso m̀mê ika ufọk esie.

NTE AKPANAMDE:

• 

  Tịm idem. Mek ibuotikọ emi mme owo ẹdimade. Wet n̄kpri n̄kpọ ifan̄ emi ẹdin̄wamde fi eti se editịn̄de. Ọkpọfọn etie ke okpokoro onyụn̄ odori n̄kpọ ifan̄ oro ekewetde enịm ye mme n̄kpọ eken emi ediyomde man ubọk fo ọsọp esịm mmọ ke ini oyomde. Omonyụn̄ ekeme ndida tablet m̀mê fon fo n̄kụbọde JW Library^® m̀mê jw.org^® ndori ke okpokoro oro n̄ko

• 

  Kûyak idem enyek fi. Tịn̄ ikọ nte eneme nneme ye ufan fo. Da idem tịn̄ ikọ nyụn̄ tịn̄ sịn ekpri imam nte okụt owo oro iso ye iso. Kûdi etịn̄ atuak ada, etịn̄ atuak ada. Ọfọn esidiana ye owo ada fon ọkwọrọ ikọ. Owo emi afo ọkwọrọde ikọ ọnọ okpobụp mbụme, fiak bụp mbụme oro uyo ọwọrọ man owo emi etienede fi ọkwọrọ ikọ okop; enye ekeme ndida ini oro oyom ibọrọ

• 

  Tịn̄ se ekemede ndida ntọn̄ọ nneme ini en̄wen. Owo emi afo ọkwọrọde ikọ ọnọ akpama ikọ Abasi, emekeme ndibụp mbụme nnịm man ada ọtọn̄ọ nneme ini en̄wen. Emekeme ndida e-mail ọnọ owo oro n̄wed nnyịn, m̀mê ọnọ owo emen ọsọk enye, mîdịghe emen n̄wed oro ọsọk enye ke idemfo. Omonyụn̄ ekeme ndida e-mail ọnọ mme vidio nnyịn ọsọk enye, mîdịghe ada ọnọ enye ibuotikọ emi akpamade enye okot. Emekeme ndidọhọ enye n̄kpọ en̄wen emi odude ke ikpehe Intanet nnyịn edieke ekerede ke enye ayama