Se Ikpepde Ito Samuel

Samuel ama ọsọn̄ọ ada anam n̄kpọ Jehovah ke ofụri eyo uwem esie. Ke ini enye ekedide eyenọwọn̄, enye ikayakke nditọ Eli, Hophni ye Phinehas, ẹbiat enye. (1Sa 2:​22-26) Samuel ama ọkọri okpon, Jehovah onyụn̄ odu ye enye. (1Sa 3:19) Idem ke ini enye ama ọkọsọn̄, enye ama aka iso ọsọn̄ọ ada anam n̄kpọ Jehovah, kpa ye oro nditọ esie mîketieneke uwụtn̄kpọ esie. ​—1Sa 8:​1-5.

Nso ke mbụk Samuel ekpep nnyịn? Ekpedi edi eyenọwọn̄, nen̄ede nịm ke Jehovah ọdiọn̄ọ se iwọrọde fi ye nte etiede fi ke idem. Enye ekeme ndin̄wam fi enyene uko. (Isa 41:​10, 13) Ekpedi edi ete m̀mê eka, ama eti ke Samuel ikenyịkke nditọ esie ini mmọ mîketieneke enye inam n̄kpọ Jehovah, oro ekeme ndidọn̄ fi esịt. Samuel ama ayak se iketịbede oro esịn Jehovah ke ubọk onyụn̄ aka iso ọsọn̄ọ ada anam n̄kpọ esie, ndien oro ama enem Ete esie eke heaven esịt. Edieke ọsọn̄ọde ada anam n̄kpọ Jehovah, eti uwụtn̄kpọ fo ekeme ndin̄wam eyen fo afiak etiene Jehovah.

ẸSE VIDIO ORO KPEP N̄KPỌ TO MMỌ​—SAMUEL, EKEM ẸBỌRỌ MME MBỤME EMI:

• 

  Didie ke Samuel okowụt ke imenyene uko ini enye ekedide eyenọwọn̄?

• 

  Didie ke Daniel okowụt ke imenyene uko?

• 

  Nso eti uwụtn̄kpọ ke Samuel ekenịm ke enye ama ọkọsọn̄?

• 

  Nso eti uwụtn̄kpọ ke ete ye eka Daniel ẹkenịm?