N̄wam Nditọ Ukpepn̄kpọ Bible Fo Ẹkpeme Idem ye Idiọk Ndụk

Edieke nditọ ukpepn̄kpọ Bible nnyịn ẹyomde ndidi ufan Jehovah, ana mmọ ẹnyene nti ufan. (Ps 15:​1, 4) Nti ufan ẹyen̄wam mmọ ẹnam se ifọnde.​—N̄ke 13:20; lff ukpepn̄kpọ 48.

Domo ndinịm idemfo ke itie eyen ukpepn̄kpọ Bible fo ini oyomde ndin̄wam enye etre idiọk ndụk. Ekeme ndisọn̄ enye ndikpọn̄ n̄kani ufan esie. Ntre, wụt ke emekere aban̄a enye kpukpru ini, yak okûdi ke ini akade ndikpep enye n̄kpọ kpọt. Emekeme ndinọ enye etop ke fon, okot enye, mîdịghe aka ekese enye. Ke ini okụtde ke enye ọtọn̄ọ ndidu uwem nte Abasi ọdọhọde, emekeme ndinam enye esitiene fi aka n̄kpri n̄kpri usọrọ emi nditọete ẹnamde. Oro ayanam enye okụt ke ufọn oro enye adiade akan se ededi oro enye ayakde atak. (Mr 10:​29, 30) Esịt eyenem fi ndikụt enye etienede esịne ke otu ikọt Abasi.

ẸSE VIDIO ORO N̄WAM MBON ORO AFO ESIKPEPDE BIBLE ẸKPEME IDEM YE IDIỌK NDỤK, EKEM ẸBỌRỌ MME MBỤME EMI:

• Nso idi idiọk nsan̄a?​—1Co 15:33

• Jenny ekekere ke usọrọ mme Christian esitie didie?

• Didie ke Anita akan̄wam Jenny ọtọn̄ọ ndinyene nti ufan?