Da Se Itịbede ke Ndondo Emi Neme Ikọ Abasi ye Owo

Ke ini Jesus okodude ke isọn̄, enye ama esida n̄kpọ emi ẹtịbede ọkwọrọ ikọ ọnọ mme owo. (Lu 13:​1-5) Afo n̄ko emekeme ndida se itịbede ke ndondo emi nnam ọdọn̄ mme owo ndikop eti mbụk Obio Ubọn̄ Abasi. Emekeme nditịn̄ mban̄a nte n̄kpọ ọsọn̄de urua, oto-obot afanikọn̄, ntịme ke obio, nte mme owo ẹdade n̄kpọsọn̄ ibọk, m̀mê mme n̄kpọ ntre, ekem obụp owo oro mbụme emi anamde enye ekere n̄kpọ. Emekeme ndibụp ete: “Ndi emekere ke enyene ini emi utọ n̄kpọ nte . . . mîdidụhe aba?” mîdịghe “Ekere ke nso ke ẹkpenam man kpukpru owo ẹnyene . . . ?” Ekem kot itie N̄wed Abasi emi aban̄ade se ẹnemede oro. Edieke owo oro amade nneme oro, wụt enye vidio m̀mê n̄wed emi odude ke Mme Akpan N̄kpọ Isidade Ikpep Owo Bible. Ẹyak inam ofụri se ikemede man inam mme owo ke efakutom nnyịn ẹma ikọ Abasi. Oro oyowụt ke inam “kpukpru n̄kpọ kaban̄a eti mbụk.”​—1Co 9:​22, 23.

Mme ibuotikọ ewe ke mme owo ke efakutom mbufo ẹkpema?