Ndi Emesiyom Usụn̄ Ọfiọk Nte Jehovah Ọbọrọde Akam Fo?

Bible etịn̄ nte Jehovah ọkọbọrọde akam mme owo. Ke ini mme asan̄autom Jehovah ẹkụtde nte enye an̄wamde mmọ ke ini mmọ ẹnyenede mfịna, oro esinam mmọ ẹnen̄ede ẹbuọt idem ye enye. Ntre, ọfọn isitịn̄ se iyomde Jehovah anam ọnọ nnyịn inyụn̄ iyom usụn̄ ifiọk nte enye ọbọrọde akam nnyịn. Ti ke Abasi ekeme ndibọrọ akam fo ke usụn̄ emi mûkekereke onyụn̄ ekeme ndinam akan se ekeben̄ede. (2Co 12:​7-9; Eph 3:20) Didie ke Jehovah esibọrọ akam nnyịn?

• Esinọ nnyịn odudu ye mbuọtidem man iyọ mfịna nnyịn.​—Php 4:13

• Anam idiọn̄ọ se ikpebierede.​—Jas 1:5

• Anam ọdọn̄ nnyịn ndinam se inende.​—Php 2:13

• Anam esịt ana nnyịn sụn̄.​—Php 4:​6, 7

• Anam mbon en̄wen ẹn̄wam nnyịn ẹnyụn̄ ẹdọn̄ nnyịn esịt.​—1Jo 3:​17, 18

• An̄wam mbon emi isịnde ke akam.​—Ut 12:​5, 11

ẸSE VIDIO ORO JEHOVAH EDI “ANDIKOP AKAM,” EKEM ẸBỌRỌ MME MBỤME EMI:

• Didie ke mbụk Brọda Shimizu ekeme ndin̄wam nnyịn edieke udọn̄ọ mîyakke inam ofụri se ikpamade ndinam?

• Didie ke ikeme ndikpebe Brọda Shimizu?