MME AKPAN N̄KPỌ KE IKỌ ABASI

‘Esịt Mi Oyodu Do Kpukpru Ini’

Jehovah ama ọdọhọ ke imọ iyenyịme se mme owo ẹnamde ẹnọ imọ ke temple Solomon ọkọbọpde (2Ch 7:11, 12)

Jehovah ama ọdọhọ ke esịt imọ oyodu ke temple oro; emi owụt ke enye eyenen̄ede ama ndidiọn̄ọ kpukpru se ikade iso ke ufọk oro sia ẹkekotde temple oro ẹdian enyịn̄ esie (2Ch 7:16; w02 11/15 5 ¶1)

Edieke nditọ Israel ẹditrede ndinam n̄kpọ Jehovah “ke ofụri esịt,” enye ayayak ẹsobo temple oro (2Ch 6:14; 7:19-21; it-2 1077-1078)

Nsio Nsio Ndise: Nsio nsio n̄kpọ isinamde ikpono Abasi. 1. Brọda emi ke ọbọn̄ akam. 2. Sista emi ke ọbọrọ mbụme ke mbonoesop. 3. N̄wan ye ebe ke ẹsan̄a kiet ẹkwọrọ ikọ. 4. Brọda emi ke anam Ufọkmbono Obio Ubọn̄ asana. 5. Brọda emi ke anam utuakibuot ubon ye n̄wan ye nditọ esie iba. 6. Sista emi ke okot Bible. 7. Sista emi esịn okụk ke ekebe.

Ini ẹkeyakde temple oro ẹnọ Jehovah, anaedi mme owo ẹma ẹkere ke esịt mmimọ oyodu ke temple oro, ke mmimọ iyonyụn̄ isịn idem inam n̄kpọ Jehovah. Edi, sụn̄ sụn̄ nditọ Israel ẹma ẹtre ndinam n̄kpọ Jehovah.

BỤP IDEMFO ETE, ‘Nso ke n̄kpanam man n̄wụt ke nnam n̄kpọ Jehovah ke ofụri esịt?’