NTE CHRISTIAN OKPODUDE UWEM
Ndi Emeben̄e Idem Man Edieke N̄kpọ Ọsọn̄de Akan Emi?
Idem idikpaha nnyịn edieke se itịbede ke ererimbot anamde n̄kpọ ọsọn̄ akan emi. Ntak-a? Sia idu uwem ke ata mme akpatre usen, Bible onyụn̄ ọdọhọ ikûdori enyịn ke inyene emi mîdibịghike. (1Ti 6:17; 2Ti 3:1) Nso ke mbụk Edidem Jehoshaphat ekpep nnyịn aban̄a ndiben̄e idem nnọ nsọn̄ọn̄kpọ?
Ini mme asua ẹkedide ekọn̄ ye mmọ, Jehoshaphat ama ọbuọt idem ye Jehovah. (2Ch 20:9-12) Enye ama ababak etịm ikọt esie idem, ọbọp mme obio ukpeme onyụn obon mbon ukpeme ke nsio nsio obio. (2Ch 17:1, 2, 12, 13) Ukem nte Jehoshaphat, ọfọn ibuọt idem ye Jehovah inyụn̄ itọn̄ọ idahaemi itịm idem man edieke n̄kpọ ọsọn̄de akan emi.
ẸSE VIDIO ORO NDI EMEBEN̄E IDEM ỌNỌ AFANIKỌN̄? EKEM ẸBỌRỌ MME MBỤME EMI:
Nso ke nnyịn owo kiet kiet ikpanam man iben̄e idem inọ afanikọn̄?
Nso ke ikpanam man ikeme ndin̄wam mbon en̄wen?