NTE CHRISTIAN OKPODUDE UWEM
Kpeme Idem ye Mbon Oro Ẹkekpọn̄de Esop Abasi
Satan ye mbon emi enye abian̄ade ẹsibuak akpanikọ ye nsu man ẹnam nnyịn ikpọn̄ Abasi. (2Co 11:3) Ke uwụtn̄kpọ, mbon Assyria ẹma ẹbuak ekpri akpanikọ ke nsu man ẹnam idem emem ikọt Abasi. (2Ch 32:10-15) Se mbon emi ẹma ẹkekpọn̄ esop Abasi mfịn ẹsinyụn̄ ẹnamde edi oro. Nso ke ikpanam iban̄a se mbon emi ẹkekpọn̄de Jehovah ẹtịn̄de? Da ikọ mmọ nte ibọk n̄kpa! Kûkot se mmọ ẹwetde, kûsubọrọ mmọ, kûnyụn̄ umen se mmọ ẹtịn̄de ukûtịn̄ unọ owo en̄wen. Sọsọp diọn̄ọ ikọ emi ẹtịn̄de ndibiat Jehovah ye esop esie—nyụn̄ sịn mmọ!—Jude 3, 4.
ẸSE VIDIO ORO ‘ẸN̄WANA ỌKPỌSỌN̄ EN̄WAN MBUỌTIDEM’!—EKPRI ESIE, EKEM ẸBỌRỌ MME MBỤME EMI:
Ntak emi oyomde ikpeme edieke isinemede nneme ke Intanet?
Didie ke ikeme ndinam item emi odude ke Rome 16:17?