Nam Ubon Mbufo Ẹkop Inemesịt

Jehovah oyom ubon ẹkop inemesịt. (Ps 127:3-5; Ec 9:9; 11:9) Edi, mme mfịna uwem ye ndudue mbonubon nnyịn ekeme ndinam nnyịn ikopke inemesịt. Nso ke owo kiet kiet ke ubon akpanam man inemesịt odu ke ubon?

Akpana ebe okpono n̄wan esie. (1Pe 3:7) Akpana enye esima ndidu ye n̄wan esie. Ọfọn enye ọdiọn̄ọ ke idịghe kpukpru n̄kpọ ke n̄wan esie ekeme ndinam, esinyụn̄ ọkọm enye ke se enye esinamde. (Col 3:15) Akpana ebe esiwụt n̄wan esie ke imama enye, esinyụn̄ otoro enye.​—N̄ke 31:28, 31.

Ọfọn n̄wan esima ndin̄wam ebe esie. (N̄ke 31:12) Akpana enye esisụk ibuot ọnọ ebe esie onyụn̄ adiana ye enye. (Col 3:18) Akpana n̄wan esitịn̄ ikọ ukpono ukpono ye ebe esie.​—N̄ke 31:26.

Ọfọn mme ete ye eka ẹsinyene ini ẹdu ye nditọ mmọ. (De 6:6, 7) Akpana mmọ ẹsidọhọ nditọ mmọ ke imama mmọ. (Mt 3:17) Ke ini ẹtụnọde nditọ mbufo, ẹwụt ke ẹmama ẹnyụn̄ ẹkere ẹban̄a mmọ.​—Eph 6:4.

Akpana nditọ ẹsikpono ẹnyụn̄ ẹkop uyo ete ye eka mmọ. (N̄ke 23:22) Ọfọn mmọ ẹsitịn̄ se mmọ ẹkerede ye nte etiede mmọ ke idem ẹnọ ete ye eka mmọ. Akpana mmọ ẹsibọ ntụnọ ye item ete ye eka mmọ ẹnyụn̄ ẹkpono mmọ.​—N̄ke 19:20.

ẸSE VIDIO ORO NAM UFỌK MBUFO ENEM, EKEM ẸBỌRỌ MBỤME EMI:

Nso ke owo kiet kiet ke ubon oro ẹkenam man inemesịt odu?