Printed Edition
Ikwọ 45
Ka Iso Iso!
1. Ka iso, kọri sịm ọyọh’idaha!
Edi uduak Abasi inyene ukeme.
Sịn ifịk nam n̄kọri ke ukwọr’ikọ,
Jah ọyọdiọn̄ utom fo.
Utom odu ọnọ kpukpr’owo.
Utom emi ke Christ akanam.
Buọt idem ye Abasi mbak ududuọ,
Sọn̄ọ da ke s’inende.
2. Ka iso, ka iso kwọr’ikọ y’uko!
Da nsinsi eti mbụk sọk kpukpru orụk owo.
Tiene toro Jehovah, Edidem nnyịn,
Ikwọrọ k’ufọk k’ufọk.
Mme asua ẹyom ndịk anam nnyịn.
Kûkop ndịk, kam nam mm’owo ẹkop
Inem mbụk ke Obio Ubọn̄ ekpere.
Kpep mm’owo akpanikọ.
3. Ka iso, ka iso, nam utom fo ma,
Sịn usọ k’utom fo koro utom k’okpokpon.
Yak spirit Abasi osụk onụk fi.
Kụt idara Abasi.
Ma mbon oro esikpepde n̄kpọ.
Fiak ka man ekpesịm esịt mmọ.
N̄wam mmọ man ẹkpekọri k’usen k’usen,
Man akpanikọ ’yama.
(Se n̄ko Phil. 1:27; 3:16; Heb. 10:39.)