Printed Edition
Ikwọ 107
Ẹdi ke Obot Jehovah
1. Ẹmenede enyịn,
Ẹse ’nyọn̄ n̄kon̄n̄kan obot.
Do k’obot Jah owụhọ
Ẹmenede enye.
Mm’owo ẹto mm’idụt,
Ẹto ke mm’inyan̄ibom,
Ẹkot kiet eken ẹte,
‘Ẹdinam utom Jah.’
Ini ndien emekem
Esisịt ndidi akwa idụt.
Nt’iwakde ke ibat,
Imokụt edidiọn̄ Abasi.
Mm’owo k’ẹtiene Jah
Ẹnyịme ukar’esie.
Ẹmen̄wọn̄ọ ndida
Ke n̄kan̄ esie ke nsinsi.
2. Jesus Christ okowụk
Ete ikwọrọ ikọ.
Eti mbụk Obio Ubọn̄
Esịm kpukpru owo.
Christ akara k’enyọn̄,
Ọdọhọ ẹda y’imọ.
Mm’andikop uyo Christ
Ẹyak Jah ’da mmọ usụn̄.
Imadara ndikụt
Nt’akwa otuowo ’kọride!
Imenyene mbiomo,
Ndin̄wam mm’owo ẹfiọk Jehovah.
Yak imened’uyo,
Ikot kpukpr’owo ite,
‘Ẹdi k’obot Jehovah,
Ẹdidu ke nsinsi.’
(Se n̄ko Ps. 43:3; 99:9; Isa. 60:22; Utom 16:5.)