UKPEPN̄KPỌ 1

Nam Ntọn̄ọikọ Fo Enem

Utom 17:22

SE AKPANAMDE: Nam se oyomde nditịn̄ ọdọn̄ owo ndikop. Nam mmọ ẹfiọk se oyomde nditịn̄ mban̄a, nyụn̄ nam mmọ ẹkụt ke se oyomde nditịn̄ ayan̄wam mmọ.

NTE AKPANAMDE:

Nam se oyomde nditịn̄ ọdọn̄ owo ndikop. Emekeme ndibụp mbụme, mîdịghe etịn̄ se iketịbede inọ owo, m̀mê se okokopde ke mbụk n̄kpọntịbe, emi afo ekerede ke mme owo ẹyema ndikop.

Tie kere se isinemde mme owo ke edem mbufo ye se ibehede mmọ nyụn̄ da oro tọn̄ọ nneme fo.
Nam mme owo ẹdiọn̄ọ se oyomde ndineme. Yak ntọn̄ọikọ fo anam mme owo ẹfiọk se oyomde nditịn̄ mban̄a.
Nam mme owo ẹkụt ufọn utịn̄ikọ fo. Wụt mme owo nte se oyomde nditịn̄ edin̄wamde mmọ. Nam mmọ ẹkụt ufọn emi mmọ ẹdidiade edieke mmọ ẹnamde se oyomde nditịn̄.

Ke ini etịmde utịn̄ikọ fo, tie kere ise, ‘Nso ye nso iwọrọ nditọete ke esop nnyịn?’ Emekeme ndida oro ntọn̄ọ nneme fo.