Ndidat Esịt ke N̄kọri Oro Abasi Ọnọde
1 Mme Christian ke akpa isua ikie ẹkedi ifịk ifịk mme ọkwọrọ Obio Ubọn̄. Mmọ ẹma ẹdat esịt ke ini ‘mme esop ẹketọtde ke usen ke usen.’ (Utom 16:5) Uko uko ukwọrọikọ mmọ ama atara esịm Asia, Europe, ye Africa, adade esịm akwa idọk mme andinịm ke akpanikọ.
2 Jesus ama ebem iso etịn̄ ete ke ukperedem ini, utom ukwọrọikọ eyesịm ‘ofụri ekondo ye kpukpru mme idụt’! (Matt. 24:14) Ke isua utom 1996, nnyịn ima ika iso ndibọ etop ẹban̄ade utịbe utịbe n̄kọri ye mbufa n̄wakn̄kan ibat mme asuanetop ke ofụri ererimbot. Ẹmesiak ediwak mbufa esop. Usọp usọp n̄kọri emi omoyom ẹbọp ediwak mbufa Ufọkmbono Obio Ubọn̄ ye mme Efe Mbono ke mme itie ikie ọkọrọ ye editat ediwak ufọkutom n̄kọk itieutom.
3 Utom Obio Ubọn̄ Nnyịn eke August 1996 ama ọtọt ntatara utom ubọpn̄kpọ oro adade itie ke Africa. Ukem utom oro ke aka iso ke ofụri Latin America. Ke isua utom 1996, Mexico ọtọt akpa-owo-idem ibat mme asuanetop 470,098 ye ukpepn̄kpọ Bible 600,751 ke ẹbaharede ukem ukem, oyomde ẹsiak mbufa esop 466! Ẹdiomi ndikụre editat mme ufọkutom n̄kọk itieutom mmọ ke utịt utịt 1999. Ukem n̄kọri oro ke ediwak idụt iyakke ufan̄ inọ edikpa mba ke nsio nsio utom ubọpn̄kpọ ukara Abasi.
4 Ekọmurua ubọpn̄kpọ ọdọk ke kpukpru ebiet, ndien nditọete nnyịn ke ediwak idụt ẹnyene esisịt n̄kpọ nditịp nsịn ke n̄kan̄ eke obụkidem. Nte ededi, ke ọkpọsọn̄ ifịk oro mmọ ẹnyenede ke utom Jehovah, mmọ ke akpanikọ ke ẹkọri ke n̄kan̄ eke spirit ẹnyụn̄ ẹwak ke ibat. Mme N̄ke 28:27 ọsọn̄ọ ọnọ nnyịn ete ke “owo eke ọnọde ubuene n̄kpọ idinanake n̄kpọ.” Unyịme nnyịn ke ndin̄wam nditịp n̄kpọ kaban̄a ekọmurua ubọpn̄kpọ ọwọrọ “ubọk aka ubọk ọnyọn̄” ke n̄kpọ obụkidem, anamde kpukpru owo ẹkeme ndinyene inemesịt oro asan̄ade ye edinọnọ ye idatesịt oro asan̄ade ye edikụt n̄kọri oro Jehovah ọnọde!—2 Cor. 8:14, 15; Utom 20:35.
[Ndise ke page 4]
N̄kọk Itieutom Paraguay
[Ndise ke page 4]
N̄kọk Itieutom Ecuador
[Ndise ke page 4, 5]
Mbọp-Ndian Mexico Ẹsụk Ẹbọpde ke Ubọk
[Ndise ke page 4, 5]
N̄kọk Itieutom Dominican Republic
[Ndise ke page 4]
N̄kọk Itieutom Brazil ye Mbọp-Ndian
[Ndise ke page 4, 5]
N̄kọk Itieutom Uruguay Ẹsụk Ẹbọpde ke Ubọk
[Mme ndise ke page 5]
Uwụtn̄kpọ Ufọkmbono Obio Ubọn̄ ẹbiatde esisịt okụk ke Latin America
1. Brazil
2. Nicaragua
3. Chile
4. Colombia
5. Mexico
6. Brazil
7. Peru
8. Venezuela
9. Mexico