Se Ẹtide Owo Ẹban̄a Editi

Usọrọ Editi edi ke Saturday, April 11. Mbiowo ẹkpenyene ndinọ ntịn̄enyịn ke mme n̄kpọ ẹtienede mi:

◼ Ke ndinịm ini mboho emi, ẹkụt ẹte ke owo idimenke mme n̄kpọ idiọn̄ọ isan̄a ibọhọke ke utịn ama okosụhọde.

◼ Ẹkpenyene nditọt kpukpru owo, esịnede etịn̄ikọ, nnennen ini ye ebiet usọrọ emi.

◼ Ẹkpenyene ndinyene nnennen uduot bred ye wine ẹnyụn̄ ẹtịm ẹnịm.—Se Enyọn̄-Ukpeme, February 15, 1985, page 19.

◼ Ẹkpenyene ndibabak mmen mme usan, mme akrasi, ye okpokoro ye ọfọn̄ okpokoro oro ẹdotde ndi ufọk mbono nnyụn̄ nnịm ke itie.

◼ Ẹkpenyene ndibabak nnịm Ufọkmbono Obio Ubọn̄ m̀mê ebiet usopidem en̄wen enen̄ede asana.

◼ Ẹkpenyene ndimek mme adaidaha ye mme andimen n̄kpọ idiọn̄ọ nsan̄a ẹnyụn̄ ẹbabak ẹnọ mmọ item ẹban̄a nnennen usụn̄ unam n̄kpọ ye utom mmọ.

◼ Ẹkpenyene ndinam ndutịm man ẹmen n̄kpọ idiọn̄ọ ẹsọk owo ekededi oro ẹyetde aran emi edide owo n̄kpọnnam mînyụn̄ ikemeke ndidu do.

◼ Ke ini ẹnamde ndutịm ẹnọ se ibede esop kiet ndida ukem Ufọkmbono Obio Ubọn̄ nnam n̄kpọ, ẹkpenyene ndinam ndutịm nte ọfọnde ke otu mme esop man ẹfep ediyọhọ inuaotop, mbenusụn̄, ye itie ubon n̄kpọisan̄ nte mîdotke.