Ndikọri Esịtekọm nnọ The Bible—Mankind’s Oldest Modern Book
Mme mbụme ẹtienede mi ẹwụt mme akpan n̄kpọ emi ẹkemede ndidi afo ama ekpep ke ini ekesede vidio emi: (1) Mme n̄kpọ ewe ẹnam Bible anana mbiet? (2) Nọ uwụtn̄kpọ ke nte Bible odude ke n̄kemuyo ye ifiọk ntaifiọk eyomfịn kpa ye edide n̄wed eset. (3) Didie ke nnyịn ikeme nditịm mfiọk nte ke Bible emi inyenede mfịn ikpụhọkede ye mme ata akpa uwetn̄kpọ? (4) Nso idi n̄wọrọnda usụn̄ uwetn̄kpọ ke n̄kani uwetn̄kpọ Bible, ndien nso mbuọtidem ke emi anam fi enyene? (5) Ke mme usụn̄ ewe ke John Wycliffe, Johannes Gutenberg, William Tyndale, Mary Jones, ye Charles Taze Russell ẹketịp ẹsịn ke edisuan Ikọ Abasi ke ofụri ererimbot? (6) Didie ke ufọkabasi ọkọbiọn̄ọ Bible idat idat, edi nso inam Bible ọbọhọ odu esịm eyo nnyịn? (7) Esop Jehovah akabade onyụn̄ osion̄o mme Bible ekesịm nso udomo? (8) Didie ke eti item Bible an̄wam mme owo ndise mban̄a mfịna mbumehe mbre mfọniso (1 Tim. 6:9, 10), edidian̄ade ntie ye unana edinam akpanikọ ke ndọ (1 Cor. 13:4, 5; Eph. 5:28-33), ye ebeubọk uyom inyene obụkidem (Matt. 16:26)? (9) Nso uyarade idu nte ke ndida mme edumbet N̄wed Abasi nsịn ke edinam ekeme ndikan usua eke idụt, eke ekpụk, ye eke orụk ke ererimbot? (10) Ke mme usụn̄ ewe ke ndikpep se isịnede ke Bible ada n̄kponn̄kan inemesịt ọsọk fi? (11) Afo ekere ke anie edibọ ufọn ito vidio emi, ndien didie ke afo edinọ mmọ?