Mme Mbono District ye Ikpọ Mbono Ofụri Ererimbot Ẹdemede Nnyịn Udọn̄ Ndinọ Abasi Ubọn̄!
Mme Mbono District ye Ikpọ Mbono Ofụri Ererimbot “Ẹnọ Abasi Ubọn̄” ẹmenen̄ede ẹnọ ikọ ntiense. Mme akpan edinam ukara Abasi emi ẹnọ enyịn̄ Jehovah ubọn̄ ẹnyụn̄ ẹfori ukeme nnyịn ‘ndinọ Jehovah ubọn̄ enyịn̄ esie.’ (Ps. 96:8) Ke akpanikọ, enye odot ndibọ ubọn̄ ke ntak mme utịbe utịbe utom obot esie, emi ẹwụtde mme utịbe utịbe edu esie.—Job 37:14; Edi. 4:10b.
Da mme mbụme ẹtienede mi ọkọrọ ye mme n̄kpọ oro ekewetde enịm, tịm idem man ekpetiene abuana ke ndụn̄ọde ndutịm mbono oro ẹdinamde ke urua ọtọn̄ọde February 16.
1. Didie ke mme edibotn̄kpọ oro mînyeneke uwem ẹbụk ubọn̄ Abasi, ndien didie ke oro okpụhọde ye usụn̄ oro mme owo ẹtorode enye? (Ps. 19:1-3; “Mme Edibotn̄kpọ Ẹbụk Ubọn̄ Abasi”)
2. Nso ke edikpụhọde mbiet akada aban̄a, ndien ke mme usụn̄ ewe ke mme n̄kpọ emi ndisu mfịn ẹdemede mme Christian udọn̄? (Utịn̄ikọ ibuotikọ mbono, “Mme Ubọn̄ Ubọn̄ Ntịn̄nnịm N̄kukụt Ẹdemede Nnyịn Udọn̄!”)
3. Didie ke nnyịn ikeme ndinyene utọ nsụhọdeidem oro prọfet Daniel ekenyenede, ndien didie ke oro edinọ nnyịn ufọn? (Dan. 9:2, 5; 10:11, 12; “Ẹyarade Ubọn̄ Jehovah Ẹnọ Mbon Nsụhọdeidem”)
4. (a) Nso n̄kpọ ita ẹban̄ade ubiereikpe Abasi ke nnyịn ikeme ndikpep nto ntịn̄nnịm ikọ Amos? (Amos 1:3, 11, 13; 9:2-4, 8, 14) (b) Nso eti n̄kpọ ke Mme Ntiense Jehovah mfịn ẹkeme ndikpep nto ntọt uwụtn̄kpọ oro ẹkụtde ke Amos 2:12? (“Ntịn̄nnịm Ikọ Amos—Etop Emi Enye Akamade ọnọ Eyo Nnyịn”)
5. (a) Nso idi mme n̄kpọndịk oro edin̄wọn̄ ọkpọsọn̄ mmịn mbe ubọk akamade, idem ọkpọkọm owo mîkpaha mmịn? (b) Didie ke ẹkeme ndikan mfịna edin̄wọn̄ ọkpọsọn̄ mmịn mbe ubọk? (Mark 9:43; Eph. 5:18; “Ẹfep Afia Edin̄wọn̄ Ọkpọsọn̄ Mmịn Mbe Ubọk”)
6. Didie ke afo ọbọ ufọn oto obufa n̄wed oro‘Kụt Eti Isọn̄’? (“‘Eti Isọn̄’—Ntabinse Paradise”)
7. Ke ewe usụn̄ ita ke nnyịn ikeme ‘ndiwụt ubọn̄ Jehovah nte ukụtiso’? (2 Cor. 3:18, NW; “Ẹwụt Ubọn̄ Jehovah nte Ukụtiso”)
8. Anie edi ntak oro ẹsuade nnyịn ke unana ntak, ndien nso ikeme ndin̄wam nnyịn ndimụm nsọn̄ọnda n̄kama kpa ye oro ẹsuade nnyịn ntre? (Ps. 109:1-3; “Ẹsua ke Unana Ntak”)
9. Nso idi ekikere Christ kaban̄a uwọrọiso, ndien didie ke owo ekeme ndifiọk ke oyom imọ inen̄ede inyene ekikere Christ emi? (Matt. 20:20-26; “Nyene Ekikere Christ Kaban̄a Uwọrọiso”)
10. Nso ikeme ndin̄wam nnyịn ika iso ikop odudu ke n̄kan̄ eke spirit kpa ye mmemidem ikpọkidem? (“Ẹkop Mmemidem edi Ikpọtke ke N̄kan̄ eke Spirit”)
11. Ewe ẹdi ndusụk usụn̄ oro Satan adade esịn udọn̄ ọnọ usu nsu, ndien nso idi mme nnennen ibọrọ N̄wed Abasi ndinọ ke ini ẹdomode ndibiat mbuọtidem nnyịn? (“Ẹkpeme Idem ye ‘Uyo Isen Owo’”)
12. (a) Didie ke mme ete ye eka ẹkeme nditiene uwụtn̄kpọ Jesus oro ẹwetde ke Mark 10:14, 16? (b) Nso ke afo ama ke obufa n̄wed oro Kpep N̄kpọ to Akwa Andikpep? (“Nditọ Nnyịn—Ọsọn̄urua Udeme”)
13. Didie ke mme uyen ẹtoro Jehovah? (1 Tim. 4:12; “Nte Mme Uyen Ẹtorode Jehovah”)
14. Ewe ikpehe ke Drama oro “Ndinọ Ikọ Ntiense Uko Uko kpa ye Ubiọn̄ọ” ke afo enen̄ede eti?
15. Didie ke nnyịn ikeme ndikpebe uwụtn̄kpọ (a) Peter ye John? (Utom 4:10) (b) Stephen? (Utom 7:2, 52, 53) (c) esop Christian eke akpa isua ikie? (Utom 9:31; drama ye utịn̄ikọ oro “‘Ẹkûdop Uyo’ Nditan̄a Eti Mbụk”)
16. (a) Ke mme usụn̄ ewe ke nnyịn ibiere ndinọ Abasi ubọn̄? (b) Nnyịn ikeme ndinyene mbuọtidem ke nso nte nnyịn idade se ikekpepde ke Mbono “Ẹnọ Abasi Ubọn̄” isịn ke edinam? (John 15:9, 10, 16; “‘Ẹka Iso Ndin̄wụm Ekese Mfri’ Man Ẹnọ Jehovah Ubọn̄”)
Nditie n̄kere nti item eke spirit oro ẹkenọde ke mbono oro oyonụk nnyịn ndida mme n̄kpọ oro ikekpepde nsịn ke edinam. (Phil. 4:8, 9) Emi ọyọsọn̄ọ ubiere nnyịn ‘ndinam kpukpru n̄kpọ nnọ Abasi ubọn̄.’—1 Cor. 10:31.