Se Ẹkpetịn̄de Ẹban̄a Mme Magazine

Enyọn̄-Ukpeme December 1

“Ke ini ntem ke isua, mme owo esima ndisio ndise emana Jesus man ẹwụt se ẹtịn̄de ke mbụk Bible emi. [Kot Matthew 2:1, 11.] Ndi omokụt ke se Bible ọdọhọde nte eketịbede okpụhọde ye ndise oro mme owo esisiode? [Bet ibọrọ.] Ibuotikọ emi eneme se iketịbede.” Wụt ibuotikọ oro odude ke page 31.

Awake! December

“N̄kpama ndifiọk se ekerede aban̄a ikọ Jesus emi. [Kot Matthew 5:3.] Sia ediwak ido ukpono ẹdude, ndi emekere ke ọfọn ikere iban̄a nte ikpanamde ikọ Jesus emi? [Bet ibọrọ.] Ibuotikọ emi ada Bible owụt nte ikpanamde se ikosụk ikotde oro.” Wụt ibuotikọ oro ọtọn̄ọde ke page 12.

Enyọn̄-Ukpeme January 1

“Ediwak ido ukpono ẹnyene nsio nsio ekikere ẹban̄a edin̄wọn̄ ọkpọsọn̄ mmịn. Afo ekere ke Abasi ese didie owo oro ọn̄wọn̄de ọkpọson̄ mmịn? [Bet ibọrọ.] Okposụkedi emi Bible ọdọhọde ke Jesus ama anam mmọn̄ akabade wine ke utịbe utịbe usụn̄, enye asian nnyịn se etịn̄de mi n̄ko. [Kot Mme N̄ke 23:20a.] Magazine emi ọnọ ekikere Bible oro adade ukem ukem.”

Awake! January

“Ediwak owo ẹsinam utom ẹkpa mba ke ọkpọsọn̄ ini emi. Ndi afo n̄ko emesinam ntre? [Bet ibọrọ.] Kop eti item emi. [Kot Ecclesiastes 4:6.] Magazine emi eneme nte ikemede ndinam utom, ndise mban̄a ubon, nnyụn̄ nduọk odudu. Enye n̄ko etịn̄ se mbon oro ẹyomde utom ẹkpenamde.”