Se Ẹkpetịn̄de Ẹban̄a Mme Magazine

Enyọn̄-Ukpeme September 1

“Ndusụk ini mme owo ẹsinam ndiọi n̄kpọ ke ntak emi ẹnyenede ukwan̄ ifiopesịt ẹban̄a ido ukpono. Afo ekere ke nso isinam ẹbian̄a mmọ ntem? [Bet ibọrọ.] Kop se Bible esịnde udọn̄ ọnọ nnyịn ndinam mi. [Kot 1 John 4:1.] Ibuotikọ emi anam an̄wan̄a ntak emi edide akpan n̄kpọ ndimen se inịmde ke akpanikọ ndomo ye se Ikọ Abasi etịn̄de.” Wụt ibuotikọ emi ọtọn̄ọde ke page 10.

Awake! September

Kot Matthew 5:39. Ekem bụp ete: “Ndi emekere ke Jesus ọkọdọhọ ikịbi inua iyọ ke ini ẹnamde nnyịn idiọk? [Bet ibọrọ.] Ibuotikọ emi owụt se Bible etịn̄de aban̄a unyan̄a idem ye ndiyom ukpeme oro ibet ọnọde.” Wụt ibuotikọ emi ọtọn̄ọde ke page 10.

Enyọn̄-Ukpeme October 1

“Mme owo ke ofụri ererimbot emi ẹkade nsio nsio ido ukpono ẹsibọn̄ akam. Ndi afo emekere ke Abasi esikop onyụn̄ ọbọrọ akam? [Bet ibọrọ.] Bible esịn udọn̄ ọnọ nnyịn ete ibọn̄ akam. [Kot Philippi 4:6, 7.] Magazine emi owụt nte Bible ọbọrọde mbụme itiaba oro ẹsiwakde ndibụp mban̄a akam.”

Awake! October

“Imesiwak ndikop nte mme owo ẹbian̄ade nsan̄a ndọ mmọ, mbon mbre ukara ẹbian̄ade mme owo, ye nte mme owo ẹbian̄ade kiet eken. Ndi emekere ke etetịm ọsọn̄ ndikụt mme owo oro ẹkemede ndiberi idem? [Bet ibọrọ.] Ediwak owo ẹkere ke itie N̄wed Abasi emi osu. [Kot 2 Timothy 3:1-5.] Magazine emi owụt ebiet emi ẹkemede ndisụk n̄kụt mme owo oro ẹkemede ndiberi edem.”