“Nyọbọ N̄wed Fo Edieke Ọbọde Okịm”

Se ndusụk mme enyeneufọk ẹsitịn̄de edi oro. Edi sia nnyịn mîsibọhọ mme n̄wed ido ukpono oro ẹwetde nsu ke ini inọde mme owo mme n̄wed un̄wam ukpepn̄kpọ Bible nnyịn, didie ke ikpada mbufiọk ibọrọ mmọ? (Rome 1:25) Nnyịn imekeme ndidọhọ ete: “Sọsọn̄ọ nte ọnọde mi n̄wed mbufo. Edi n̄wed emi ọdọhọ ke ẹdisan̄a didie ẹkọk mfịna ubonowo? [Bet ibọrọ. Edieke enye ọdọhọde fi okot n̄wed oro ke oyokụt ibọrọ, emekeme nditi enye ke afo ama etịn̄ se idude ke n̄wed fo mbemiso ọnọde enye. Ekem kot mîdịghe tịn̄ se idude ke Matthew 6:9, 10.] Jesus ọkọdọhọ ke Obio Ubọn̄ Abasi ayanam ẹnam uduak Abasi ke isọn̄. Ntre, n̄kukụre n̄wed ido ukpono oro nsikotde edi enye oro ọsọn̄ọde etịn̄ aban̄a Obio Ubọn̄ Abasi. Ndi mmekeme ndida Bible n̄wụt fi ndusụk akpan n̄kpọ oro Obio Ubọn̄ Abasi edinamde?”