Mme Usụn̄ Unyene Nneme

Nditọn̄ọ Ukpepn̄kpọ Bible ke Akpa Saturday ke October

“Enyene ekpri n̄kpọ emi inemede ye mme mbọhọidụn̄ nnyịn mfịn. Ediwak owo oro inyenede nneme ẹdọhọ ke kiet ke otu n̄kpọ oro ekenen̄erede abiak mmimọ edi n̄kpa owo mmimọ. Ndi etie fi ntre n̄ko? [Bet ibọrọ.] Mmekere ke se n̄kokotde ke n̄wed emi ọyọdọn̄ fi esịt n̄ko.” Wụt ibuotikọ oro odude ke edem Enyọn̄-Ukpeme eke October 1, neme se idude ke idak akpa mbụme ye enye nyụn̄ kot ke nsụhọde n̄kaha kiet ke otu itie N̄wed Abasi oro ẹsiakde ẹsịn do. Nọ mme magazine, nyụn̄ diomi ndifiak n̄ka n̄kọbọrọ mbụme oro etienede.

Enyọn̄-Ukpeme October 1

“Ikawaha man ida ekpri ini isịn udọn̄ inọ mme owo ẹkot Bible. Nnyịn imọfiọk ke ndusụk owo ẹma Bible, edi ndusụk imaha. Nso kaban̄a fi? [Bet ibọrọ.] Kop se Bible etịn̄de mi in̄wan̄-in̄wan̄. [Kot 1 Thessalonica 2:13.] Mmenịm ke afo eyenyịme ke ọfọn ẹkot Bible edieke edide akpanikọ nte ke enye edi N̄wed Abasi. Magazine emi eneme ibio ibio aban̄a se isịnede ke Bible ye ntak emi nnyịn ikpamade Bible.”

Ẹdemede! September–October

“Ndi ọmọfiọk ke ediwak owo ẹn̄wọn̄ mmịn ẹkaha idahaemi, ndien ke emi afịna ndusụk owo? [Bet ibọrọ. Ekem kot Ecclesiastes 9:7.] Bible idọhọke owo okûn̄wọn̄ mmịn, edi ọdọhọ owo okûkpa mmịn, owo okûnyụn̄ ọn̄wọn̄ awak akaha. Magazine Ẹdemede! emi ọbọrọ akpan mbụme ita oro aban̄ade mmịn onyụn̄ owụt nti edumbet Bible oro ẹkemede ndin̄wam nnyịn ifiọk nte ikpesede mmịn.” Wụt ibuotikọ oro ọtọn̄ọde ke page 14.