Nam “Nti N̄kpọ” Nọ Mme Owo—Kama Mmọ Isen (Matt. 12:35a)

Kpukpru nnyịn imama ndinam “nti n̄kpọ,” utọ nte ‘ndikama owo isen.’ (Rome 12:13) Mbiowo ẹsinam ndutịm man ẹkama nditọete emi ẹtode-to ẹdi ẹdinọ utịn̄ikọ isen ẹnyụn̄ ẹnọ mmọ okụk ukpe usụn̄. Edi imekeme ndidọhọ ke nnyịn idikemeke ndikama isenowo sia idide ubuene, m̀mê ke ntak emi ifehede ndikama isenowo inyụn̄ ikerede ke ufọk nnyịn idịghe se ẹwahade. Nditi se Jesus ọkọdọhọde Martha ekeme ndinam ikûkop utọ ndịk oro. (Luke 10:39-42) Enye ama owụt ke ata akpan n̄kpọ ke ndikama isenowo edi nditie ọtọkiet ye mmọ nneme mme n̄kpọ oro edisọn̄ọde owo idem, idịghe ediwak udia m̀mê ndinam ufọk enen̄ede eye. Edieke inamde se Jesus eketịn̄de, kpukpru nnyịn iyanam “nti n̄kpọ” inọ nditọete nnyịn ke ndikama mmọ isen nte Ikọ Abasi ọdọhọde.—3 John 5-8.