Se Idin̄wamde Nnyịn Idi Nti Mme Ọkwọrọikọ—Da Vidio Kpep Owo N̄kpọ

NTAK EMI EDIDE AKPAN N̄KPỌ:

Mme owo ẹsinen̄ede ẹma vidio sia enye esisịm mmọ esịt, mmọ ẹsinyụn̄ ẹma se mmọ ẹkụtde ẹnyụn̄ ẹkopde. Mme owo ẹsikpan̄ utọn̄ etieti ke ini ẹsede vidio, owo isinyụn̄ isọpke ifre se ẹkụtde. Jehovah esima ndida se owo okụtde ke enyịn n̄kpep owo n̄kpọ.—Utom 10:9-16; Edi 1:1.

Vidio Abasi Ekere Didie?, Anie Enyene Bible?, ye Nnyịn Isan̄a Didie Ifiọk ke Se Ẹwetde ke Bible Enen? ẹnam se idude ke ọyọhọ ukpepn̄kpọ 2 ye 3 ke ediye ekpri n̄wed Eti Mbụk an̄wan̄a nnyịn. Vidio Ntak Emi Ekpekpepde Bible?, Ẹsikpep Owo Bible Didie?, ye Nso ke Ẹsinam ke Ufọkmbono Obio Ubọn̄? ẹnam ọdọn̄ mme owo ndikpep Bible ye nnyịn mîdịghe ẹtiene nnyịn ẹdụk mbono esop. Ẹkeme ndida ndusụk vidio nnyịn nnịm ukpepn̄kpọ Bible ye mme owo.—km 5/13 3.

NTE AKPANAMDE:

• Babak sio vidio emi oyomde ndiwụt mme owo

• Kere mbụme kiet m̀mê iba emi edibụpde, oro ẹdibọrọde ke vidio oro

• Tie ye owo oro se vidio oro

• Ẹneme mme akpan n̄kpọ oro odude ke vidio oro

NAM EMI ISE:

• Ka edem tract nnyịn, nyụn̄ wụt enyeneufọk code oro edidade enye ika vidio Ntak Emi Ekpekpepde Bible?

• Wụt enye vidio Nnyịn Isan̄a Didie Ifiọk ke Se Ẹwetde ke Bible Enen? nyụn̄ nọ enye ediye ekpri n̄wed Eti Mbụk, tịn̄ ban̄a ọyọhọ ukpepn̄kpọ 3