Se Idin̄wamde Nnyịn Idi Nti Mme Ọkwọrọikọ—Da N̄wed ‘Ima Abasi’ Nam Ikọ Abasi Odụk Owo Esịt

NTAK EMI EDIDE AKPAN N̄KPỌ: Ana mme owo ẹfiọk nte Jehovah oyomde mmọ ẹdu uwem ẹnyụn̄ ẹdu uwem ntre man Jehovah enyịme utuakibuot mmọ. (Isa 2:3, 4) N̄wed “Ẹnịm Idem Mbufo ke Ima Abasi,” emi edide ọyọhọ n̄wed iba oro isikpepde owo, esin̄wam nditọ ukpepn̄kpọ Bible ẹdiọn̄ọ nte ẹkpedade item Bible ẹdu uwem ke usen ke usen. (Heb 5:14) Ana idomo ndinam akpanikọ odụk mmọ esịt man enen̄ede ọdọn̄ mmọ ndidu uwem nte Bible ọdọhọde.—Ro 6:17.

NTE AKPANAMDE:

• Kere ban̄a nte akpan̄wamde eyen ukpepn̄kpọ fo nyụn̄ nen̄ede tịm idem. Kere mme mbụme emi edibụpde enye man enye etịn̄ se enye ekerede aban̄a se ekpepde enye.—N̄ke 20:5; be 259

• Da mme ekebe oro ẹdude ke n̄wed oro n̄wam eyen ukpepn̄kpọ fo okụt nte ọfọnde ndida item Bible ndu uwem

• N̄wam eyen ukpepn̄kpọ fo ọdiọn̄ọ nte enye ekpebierede mme n̄kpọ emi Bible mîtịn̄ke, edi emi owo kiet kiet enyenede ndibiere.—Ga 6:5

• Da mbufiọk se m̀mê odu item Bible emi ọsọn̄de eyen ukpepn̄kpọ fo ndinam. Edieke edide ntre, n̄wam enye odu uwem nte Jehovah oyomde sia enye amade Jehovah.—N̄ke 27:11; Joh 14:31