NTE CHRISTIAN OKPODUDE UWEM
Ini Ewe ke N̄kpanam Usiakusụn̄ Unọ Un̄wam?
N̄kukụt Ezekiel oro aban̄ade temple owụt ke ikọt Jehovah ẹdinam n̄kpọ esie ke imaesịt. Edi didie ke nnyịn owo kiet kiet ikeme nditiene n̄wa uwa ekọm nnọ Abasi?—Heb 13:15, 16.
Kiet ke otu mfọnn̄kan usụn̄ edi ndinam usiakusụn̄ unọ un̄wam. Ediwak ọfiọn̄ ke isua utom 2018 ẹnyene Saturday m̀mê Sunday ition. Enen̄ede ọfọn ye mbon emi ẹnamde utom mbakara, sia mmọ ẹkeme ndida utịturua n̄ka ukwọrọikọ. Adianade do, mme asiakusụn̄ unọ un̄wam ẹkeme ndinọ hour 30 m̀mê 50 ke ọfiọn̄ March ye April ye ke ini esenyịn circuit edide esop mmọ.
Edi nso ke ikpanam edieke nnyịn mîkemeke ndinam usiakusụn̄ unọ un̄wam? Imosụk ikeme ndinam utom ukwọrọikọ nnyịn ọfọn inyụn̄ isịn ofụri ukeme ikwọrọ ikọ inọ adan̄a ediwak owo nte ikekeme. Nte ekpededi, yak iwụt ke imama Jehovah ke ndisịn ofụri ukeme n̄kwọrọ ikọ ke isua utom 2018.—Ho 14:2.
Didie ke n̄keme ndisịn idem n̄kwọrọ ikọ ukem nte Sabina Hernández?
ẸSE VIDIO, JEHOVAH ỌNỌ MI ODUDU NDINAM SE EDEDI ORO NYOMDE NDINAM, EKEM ẸBỌRỌ MME MBỤME EMI:
Nso ikanam enem Sabina ntre ndinam n̄kpọ Jehovah?
Didie ke mbụk Sabina ekeme ndin̄wam fi anam n̄kpọ Jehovah?
Ewe ọfiọn̄ ke isua utom 2018 ke edima ndinam usiakusụn̄ unọ un̄wam?