Tiene Nde Ikpat Christ Ketket

Jesus ama enịm uwụtn̄kpọ ọnọ nnyịn ndikpebe, akpan akpan ke ini ẹkọbọde nnyịn m̀mê ke ini isobode afanikọn̄. (1Pe 2:​21-23) Jesus ikosioho usiene ke ini ẹkesụn̄ide ẹnyụn̄ ẹtụhọrede enye. (Mr 15:​29-32) Nso ikan̄wam enye ọyọ? Enye ama ebiere ndinam uduak Abasi. (Joh 6:38) Enye ikonyụn̄ ifreke “idatesịt oro ẹkenịmde enye ke iso.”​—Heb 12:2.

Isinam n̄kpọ didie ke ini ẹkọbọde nnyịn ke ntak oro ikponode Jehovah? Nnyịn ‘isidaha idiọk isio owo usiene idiọk.’ (Ro 12:​14, 17) Edieke iyọde ukọbọ nte Jesus ọkọyọde, iyokop inemesịt sia idiọn̄ọde ke emi enem Jehovah esịt.​—Mt 5:​10-12; 1Pe 4:​12-14.

ẸSE VIDIO ORO ENYỊN̄ JEHOVAH EDI AKPAN N̄KPỌ AKAN, EKEM ẸBỌRỌ MME MBỤME EMI:

• Didie ke Sista Pötzingera akada ini esie anam akpan n̄kpọ ke ufọk-n̄kpọkọbi?

• Nso utọ ufen ke ẹkenọ enye ye ebe esie ke nsio nsio ufọk-n̄kpọkọbi oro mmọ ẹkedude?

• Nso ikan̄wam mmọ ẹyọ?