Jehovah Esikpeme Ikọt Esie

Passover ekedi ata akpan edinam. Ke okoneyo usen Passover oro, akpan Pharaoh ama akpa. Ke ini Pharaoh okụtde oro, enye ama ọdọhọ Moses ete: “Ẹdaha ke enyọn̄, ẹwọn̄ọ ke otu ikọt mi, mbufo ye nditọ Israel eken, ẹnyụn̄ ẹka, ẹkenam n̄kpọ ẹnọ Jehovah, kpa nte mbufo ẹdọhọde.” (Ex 12:31) Jehovah ama owụt ke imesikpeme ikọt imọ.

Ke ini itiede ikere mbụk ikọt Abasi mfịn, imenen̄ede ikụt ke Jehovah aka iso ndikpeme nnyụn̄ nda ikọt esie usụn̄. Se ikụtde edi oro ke itie ubon n̄kpọeset nnyịn emi odude ke ibuot itieutom nnyịn. Ẹkot itie oro “Ikọt Enyịn̄ Jehovah.”

ẸSE VIDIO ORO DISE ITIE UBON N̄KPỌESET NNYỊN KE WARWICK EMI ẸKOTDE: “IKỌT ENYỊN̄ JEHOVAH,” EKEM ẸBỌRỌ MME MBỤME EMI:

• 

  Nso obufa n̄kpọ ke Nditọ Ukpepn̄kpọ Bible ẹkesio ẹdi ke 1914, ndien didie ke n̄kpọ emi akan̄wam mme owo ẹnịm se Bible ekpepde?

• 

  Nso mfịna ikodu ke 1916 ye 1918, ndien nso ikowụt ke Jehovah ada esop esie usụn̄?

• 

  Didie ke ikọt Jehovah ẹkeka iso ẹsọn̄ọ ẹda ye Jehovah kpa ye oro ẹkekọbọde mmọ?

• 

  Nso akpan n̄kpọ ke ẹkenam an̄wan̄a ikọt Abasi ke 1935, ndien nso ke oro akanam mmọ ẹkụt?

• Edieke edide ama aka itie ubon n̄kpọeset emi, mîdịghe aka ekese enye oro odude ke Bethel ke idụt mbufo, nso ke okokụt emi anamde enen̄ede enịm ke Jehovah ekpeme onyụn̄ ada ikọt esie usụn̄?