Nam Utom Usiakusụn̄ Man Enen̄ede Otoro Jehovah

Nditọ Israel ẹma ẹnyene ediwak ntak nditoro Jehovah. Enye ama osio mmọ ke ufụn Egypt onyụn̄ anyan̄a mmọ osio udịmekọn̄ Pharaoh ke ubọk. (Ex 15:1, 2) Jehovah aka iso ndifọn ido ye ikọt esie. Didie ke ikeme ndiwụt Jehovah ke imama ofụri se enye anamde ọnọ nnyịn?—Ps 116:12.

Usụn̄ kiet edi ndidi asiakusụn̄ unọ un̄wam m̀mê asiakusụn̄ ofụri ini. Emekeme ndibọn̄ akam ndọhọ Jehovah anam ekeme ndinam utom emi. (Php 2:13) Ediwak owo ẹsibem iso ẹtọn̄ọ ye usiakusụn̄ unọ un̄wam. Emekeme ndinọ hour 30 m̀mê 50 ke ọfiọn̄ March ye April, ye ke ọfiọn̄ emi esenyịn circuit edide esop mbufo. Ke ini atabide ese nte usiakusụn̄ unọ un̄wam enemde, ekeme ndidọn̄ fi ndidi asiakusụn̄ ofụri ini. Idem ndusụk mbon oro ẹsinamde utom tọn̄ọ Monday sịm Friday, m̀mê mbon emi idem mînen̄ekede isọn̄ ẹkeme ndidi mme asiakusụn̄ ofụri ini. (mwb16.07 8) Imenen̄ede ikụt ke odot inam ofụri se ikekeme man itoro Jehovah.—1Ch 16:25.

ẸSE VIDIO ORO NDITỌEKA ITA EMI ẸNAMDE N̄KPỌ ABASI KE MONGOLIA, EKEM ẸBỌRỌ MME MBỤME EMI:

• 

  Mme mfịna ewe ke nditọeka ita emi ẹkenyene, ndien nso ke mmọ ẹkenam man ẹkeme ndidi mme asiakusụn̄?

• 

  Didie ke Jehovah ọkọdiọn̄ mmọ?

• 

  Nso utọ ifetutom ke mmọ ẹkedinyene ke esop Abasi ke ntak emi mmọ ẹkedide mme asiakusụn̄ ofụri ini?

• 

  Didie ke uwụtn̄kpọ mmọ an̄wam mbon en̄wen?