Nam Ikọ Abasi Odụk Owo Esịt

Abasi oyom ikop uyo imọ ke ofụri esịt. (N̄ke 3:1) Ntre, ke ini ikpepde owo n̄kpọ, ọfọn inam se ikpepde odụk enye esịt. Didie ke ikeme ndinam emi?

Inaha ekpekpep eyen ukpepn̄kpọ fo ikọ Abasi kpọt, edi ana anam enye okụt ke se afo ekpepde enye ekeme ndin̄wam enye onyụn̄ ekeme ndinam enye edi ufan Jehovah. Nam enye okụt ke mme ibet oro Abasi ọnọde nnyịn owụt ke enye ama nnyịn, ọfọn ido, onyụn̄ ama se inende. Da mbufiọk bụp enye mme mbụme emi ẹdinamde enye etie ekere nte enye adade se enye ekpepde. N̄wam enye okụt ufọn emi enye edidiade edieke enye enịmde se Bible ekpepde onyụn̄ etrede mme n̄kpọ emi mîfọnke. Ke ini okụtde eyen ukpepn̄kpọ fo amade Jehovah ke ofụri esịt, esịt eyenen̄ede adat fi.

ẸSE VIDIO ORO YAK NDIN̄WAM MME OWO ẸDIKPONO ABASI ANAM FI OKOP IDATESỊT—KPEP NDINAM IKỌ ABASI ODỤK OWO ESỊT, EKEM ẸBỌRỌ MME MBỤME EMI:

• 

  Ntak emi Anita okobụpde Jenny m̀mê enye ama afiak ekere se mmimọ ikenemede urua oko?

• 

  Didie ke Anita akanam Jenny okụt ke ibet oro Jehovah ọnọde owụt ke Jehovah ama enye?

• 

  Didie ke Anita akan̄wam Jenny etie ekere nte enye okpowụtde ke imama Abasi?