Ka Iso Nọ Ukeme Ufiọk N̄kpọ Fo Ukpep

Ana owo emi esibrede mbre mbuba aka iso esịn idem ekpep man enye enen̄ede ọdiọn̄ọ mbre oro. Kpasụk ntre, ana ika iso isịn idem ikpep Ikọ Abasi man inọ ukeme ufiọk n̄kpọ nnyịn ukpep. (Heb 5:14) Kpa ye oro edide ndusụk owo ẹsima ndibiere n̄kpọ ntiene se mbon en̄wen ẹbierede, ọfọn isitie ke idem nnyịn ikere n̄kpọ kan̄a mbemiso ibierede. Ntak-a? Sia nnyịn kiet kiet iyanam ibat inọ Abasi iban̄a se ikebierede.—Ro 14:12.

Ikpanaha ikere ke iyesibiere n̄kpọ ọfọn sia edide ebịghi ikana baptism. Man ikeme ndibiere n̄kpọ ọfọn, ana inen̄ede ibuọt idem ye Jehovah, inam se Bible ọdọhọde, ye se esop Abasi ẹtịn̄de.—Jos 1:7, 8; N̄ke 3:5, 6; Mt 24:45.

ẸSE VIDIO ORO SINAM SE ESỊT MÎDIFỊNAKE FI, EKEM ẸBỌRỌ MME MBỤME EMI:

• 

  Nso ke akana Emma ebiere?

• 

  Ntak emi nnyịn mîkpetịn̄ke ekikere idem nnyịn ke ini owo oyomde ndibiere n̄kpọ emi Bible mîtịn̄ke nnennen se owo akpanamde?

• 

  Ewe eti item ke ebe ye n̄wan kiet ẹkenọ Emma?

• 

  M̀mọ̀n̄ ke Emma okokụt nti item emi akan̄wamde enye ebiere se ikafịnade enye?