Se Idin̄wamde Fi Ọyọ Edieke Ẹdiọkde Uwem ye Afo

Kot Genesis 37:23-28; 39:17-23 man ekpep n̄kpọ oto nte Joseph ọkọyọde ini ẹkediọkde uwem ye enye.

Nen̄ede kere nsio nsio n̄kpọ emi ẹketịbede ke mbụk oro. Nso ikanam ẹdiọk uwem ye Joseph? (Gen. 37:3-11; 39:1, 6-10) Isua ifan̄ ke Joseph ọkọyọ se ikọwọrọde enye oro? (Gen. 37:2; 41:46) Ini enye okosụk ọyọde kpukpru oro, nso ke Jehovah akanam ọnọ enye? Nso ke Jehovah mîkanamke?​—Gen. 39:2, 21; w23.01 17 ¶13.

Nen̄ede kere mme n̄kpatan̄a n̄kpọ ke mbụk oro. Bible idọhọke ke Joseph ama ọdọhọ ke n̄wan Potiphar okosu nsu odori imọ. Didie ke mme itie Bible emi ẹtienede mi ẹkeme ndin̄wam nnyịn ikụt ntak emi ikerede ke ekeme ndidi enye akanam Joseph emek ndidop uyo, m̀mê ntak emi nnyịn mîkpoyomke ẹtịn̄ kpukpru n̄kpọ ẹnọ nnyịn n̄kpọ ekpetịbe? (N̄ke 20:2; John 21:25; Utom 21:37) Anaedi mme edu ewe ẹken̄wam Joseph ọyọ ini ẹkediọkde uwem ye enye?​—Mic. 7:7; Luke 14:11; Jas. 1:2, 3.

Kere mme n̄kpọ emi ekpepde oto mbụk oro. Bụp idemfo:

• ‘Nso ke mme owo ẹkeme ndinam mi ke ntak emi ndide mbet Jesus?’ (Luke 21:12, 16, 17; Heb. 10:33, 34)

• ‘Nso ke n̄keme ndinam idahaemi man ẹkpediọk uwem ye ami, ami nyọ nnyụn̄ nduehe se nnamde?’ (Ps. 62:7, 8; 105:17-19; w19.07 2-7)