Jesus “Ama Ekpep N̄kopitem”

Toto ke editọn̄ọ, idụhe ini emi Jesus mîkopke item Jehovah. (John 8:29) Ntak ndien Bible ọdọhọde ete: “Enye ama ekpep n̄kopitem oto ndutụhọ oro enye okokụtde”?​—Heb. 5:8.

Ini Jesus okodude ke isọn̄, enyene mme n̄kpọ emi ẹketịbede ẹnọ enye emi mîketịbeke ini enye okodude ke heaven. Ete ye eka esie ẹma ẹma Jehovah, edi mmọ ikọfọnke ima. (Luke 2:51) Jesus ama ọbọ ufen ke ubọk ikpọ owo ido ukpono mme Jew ye mme andikara emi ẹkedide mbon ibak, mbon ufịk, ye mbon utụk. (Matt. 26:59; Mark 15:15) N̄kpọ efen edi ke enye ama “osụhọde idem onyụn̄ akabade osụk ibuot tutu esịm n̄kpa,” ata ubiak ubiak n̄kpa ke okop emi.​—Phil. 2:8.

Mme n̄kpọ emi ẹketịbede ẹnọ Jesus do ẹma ẹkpep Jesus n̄kopitem. Enye ikekpepke utọ n̄kopitem oro ini enye okodude ke heaven. Oro akanam enye ekeme ndidi Edidem ye Akwa Oku oro ọfọnde ama, owo emi ekemede nditua nnyịn mbọm, nte onyụn̄ etiede nnyịn ke idem enen̄ede an̄wan̄a enye. (Heb. 4:15; 5:9) Ke Jesus ama ekekpep n̄kopitem oto ndutụhọ oro enye okokụtde m̀mê nsio nsio ufen emi enye ọkọbọde, enye ama editetịm ọsọn̄ urua ke enyịn Jehovah onyụn̄ enen̄ede odot se Jehovah adade anam uduak Esie. Nnyịn n̄ko ikpaka iso ikop item ke ini ọsọn̄de ye nnyịn, iyetetịm isọn̄ urua ke enyịn Jehovah, inyụn̄ inen̄ede idot ndinam utom ekededi emi enye ọdọn̄de nnyịn.​—Jas. 1:4.