Se Akpadade “Enọ Eke Spirit” Fo Anam

Esinem kpukpru nnyịn ima idu ye kiet eken, isọn̄ọ mmọ idem, mmọ ẹnyụn̄ ẹsọn̄ọ nnyịn idem. Nnyịn ndidu ye nditọ-ete nnyịn esisọn̄ọ nnyịn idem, edi ikpanaha etre do. Bible ọdọhọ ke nnyịn ndikeme ndisọn̄ọ mbuọtidem kiet eken edi “enọ eke spirit.” (Rome 1:11, 12) Didie ke ikeme ndida enọ oro nnen̄ede n̄n̄wam kiet eken?

Sasat se editịn̄de man ọsọn̄ọ owo idem. Ke uwụtn̄kpọ, ima ibọrọ mbụme ke mbono esop, inaha se itịn̄de enen̄ede aban̄a nnyịn ye uwem nnyịn, ana enen̄ede aban̄a Jehovah, Ikọ esie, ye ikọt esie. Ima ineme nneme ye nditọ-ete nnyịn, ẹyak ibiere ndineme mme n̄kpọ emi ẹkemede ndisọn̄ọ mmọ idem.

Yak se ebierede ndinam ye se anamde-nam ọsọn̄ọ mbon en̄wen idem. Ke uwụtn̄kpọ, ndusụk owo ẹbiere ndika iso nnam utom ofụri ini nnọ Abasi kpa ye emi mîmemke ye mmọ. Enye oro ekeme ndisọn̄ọ mbon en̄wen idem. Eke mbon en̄wen edi ke kpa ye emi mîmemke inọ mmọ ndisidụk mbono esop ufọturua ke ntak utom m̀mê udọn̄ọ emi mmọ ẹnyenede, mmọ ke ẹdomo ndidụk ndien oro n̄ko ekeme ndisọn̄ọ mbon en̄wen idem.

Ndi se afo esitịn̄de ye se afo esinamde esisọn̄ọ nditọ-ete fo idem? Ndi amayak se mmọ ẹsitịn̄de ye se mmọ ẹsinamde ọsọn̄ọ fi idem n̄ko?