Mbon Ukara Emi Ẹdide Nyakri​—Se Obio Ubọn̄ Abasi Edinamde

Mme owo ẹyom ukara esịne ke ubọk mbon emi mmọ ẹkemede ndiberi edem; nyakri mbon ukara akak mmọ ndien. Ke ndụn̄ọde emi ẹkenamde ke ofụri ererimbot, emi ẹkesịnde ke mbụk n̄kpọntịbe ke 2023, ediwak owo ẹkedọhọ ke mbon emi mmimọ mîkemeke ndiberi edem edi ikpọ owo ukara.a

Bible etịn̄ aban̄a ukara kiet emi Andikara esie edide ata owo akpanikọ ye owo emi ẹkemede ndiberi edem, owo emi nyakri ndomokiet mîdụhe enye ke idem. Obio Ubọn̄ Abasi edi ukara oro, Jesus Christ onyụn̄ edi Andikara.​—Isaiah 9:7.

Ofụri se Bible etịn̄de nte Jesus ekesinamde ini enye odude ke isọn̄ owụt ke enye ama esikere aban̄a mme owo. (Matthew 9:35, 36) Sia edide enye edi Edidem Obio Ubọn̄ Abasi, enye ọyọnọ kpukpru mbon oro ẹsụkde ibuot ẹnọ ukara esie unen mmọ, onyụn̄ anam mmọ ẹnyene emem.​—Psalm 72:12-14.