Ntak Emi Mme Ntiense Jehovah Ẹsikwọrọde Ikọ Ẹnọ Mbon Emi Ẹma Ẹkenyenyene Ufọkabasi?

Se idude edi ke ediwak mbon emi ẹsikade ufọkabasi ẹsima nneme Bible. Nnyịn isikpakke-kpak mme owo ite ẹkop se ikwọrọde, imonyụn̄ ifiọk ke mmọ ẹnyene unen ndinịm se mmọ ẹmade.

Ntre ke ini inemede Ikọ Abasi ye mme owo, isinam emi ke “ifụre ifụre ido ye ntotụn̄ọ ukpono.” (1 Peter 3:15) Imọfiọk ke idịghe kpukpru owo ẹdima ndikop ukwọrọikọ nnyịn. (Matthew 10:14) Edi nnyịn isidiọn̄ọke owo emi edimade ndikop ibọhọke ke ima ikọtọn̄ọ nneme ye enye. N̄kpọ efen edi ke idaha mme owo esikpụhọde.

Ke uwụtn̄kpọ, owo emi mînyeneke ini ikop Ikọ Abasi mfịn ekeme ndinyene n̄kpọn̄. N̄ko, afanikọn̄ oro mme owo ẹsobode ẹkeme ndinam mmọ ẹyom ndikop Ikọ Abasi. Se isinamde ika ufọk mme owo ifiak ika edi oro.