Ndi Abasi Okobot Devil Ndida Ndomo Nnyịn?

Se Bible ọdọhọde

Bible owụt ke idịghe Abasi okobot Devil. Utu ke oro, Abasi akakam obot angel emi akakabarede edi Devil. Bible etịn̄ ntem aban̄a Abasi: “Utom esie ọfọn ama, koro kpukpru usụn̄ esie ẹnende. Abasi akpanikọ, emi mîkpehe ukwan̄ikpe; enye edi eti ye edinen.” (Deuteronomy 32:3-5) Ikọ emi owụt ke ama odu ini emi Satan kpa Devil ọkọfọnde ama onyụn̄ enen, kiet ke otu angel Abasi.

Jesus ọkọdọhọ ke John 8:44 ete ke Devil ‘ikọsọn̄ọke ida ke akpanikọ,’ emi ọwọrọde nte ke ini kiet ko, ke enye ama esinam akpanikọ onyụn̄ enen.

Edi, ukem nte nditọ Jehovah eken, angel emi akakabarede edi Satan ama enyene ifụre ndibiere m̀mê idinam se ifọnde m̀mê se idiọkde. Enye ndibiere ndisọn̄ ibuot ye Abasi nnyụn̄ nnam Adam ye Eve ẹtiene ẹsọn̄ ibuot akanam enye edi Satan, emi ọwọrọde “Andibiọn̄ọ.”—Genesis 3:1-5; Ediyarade 12:9.