Ikọ Idakisọn̄

a Ke ọyọhọ isua ikie ita C.E., Tertullian ọkọdọhọ ete ke iban “ẹmi ẹfiọn̄ọde aran ke ikpọkidem mmọ, ẹyetde ndatndat n̄kpọ ke mfụk mmọ, ẹnamde enyịn mmọ esem ye [obubịt] tido, ẹnam idiọk ẹdian Enye.” Enye n̄ko ama okụt ndudue ọnọ mbon oro ẹkesisịnde ibọk ke idet. Ke adade ikọ Jesus ke Matthew 5:36 ke idiọk usụn̄, Tertullian ama ọdọhọ ete: “Mmọ ẹdọhọ ẹte ke ikọ Ọbọn̄ inenke! ‘Sese!’ mmọ ẹdọhọ ẹte, ‘utu ke afia m̀mê obubịt, nnyịn inam [idet nnyịn] edi utouto.’” Enye ama adian do ete: “Afo emekeme idem ndikụt mme owo oro ẹkopde bụt nte ke mmimọ imọsọn̄, ẹnyụn̄ ẹdomode ndikpụhọde afia idet mmọ nnam edi obubịt.” Oro ekedi ọkpọ ọkpọ ekikere Tertullian. Edi enye okoyoyụrọde mme n̄kpọ, koro ofụri mfan̄a esie ọkọkọn̄ọ ke ekikere esie oro nte ke iban ẹdi ntak nditaha owo, ntre ke mmọ ẹkpenyene ‘ndisan̄a n̄kanade nte Eve, ẹsemede ẹnyụn̄ ẹtuade n̄kpọfiọk’ ẹban̄a ‘bụt akpa idiọkn̄kpọ oro.’ Bible itịn̄ke utọ n̄kpọ oro; Abasi ọkọdọhọ ke Adam edi ntak idiọkn̄kpọ ubonowo.—Rome 5:12-14; 1 Timothy 2:13, 14.