Kpa nte Jehovah eketemede, Aaron ama anam utịben̄kpọ oro okowụtde nte ke Jehovah edi akakan ke otu mme abasi Egypt. Enye ama ọduọk esan̄ esie ke isọn̄ ke iso Pharaoh, ndien kpa idahaoro enye ama akabade edi urụkikọt! Ke ekikere etịmerede oto utịben̄kpọ emi, Pharaoh ama okot mbia-idiọn̄ esie.a Ye un̄wam odudu demon, iren ẹmi ẹma ẹkeme ndida esan̄ mmọ ẹnam ukem n̄kpọ oro.