• Didie ke Afo Ekeme Ndikama Ufọk?
    Ukpọhọde Inemesịt Ubon

    • 16, 17. (a) Ewe ibet oro Jehovah ọkọnọde ekekpeme nditọ Israel ọbiọn̄ọ ndusụk udọn̄ọ? (b) Didie ke kpukpru ufọk ẹkeme ndida edumbet oro odude ke Deuteronomy 23:​12, 13 nsịn ke edinam?

      16 Kere ban̄a uwụtn̄kpọ efen. N̄kpọ nte isua 3,500 ẹmi ẹkebede, Abasi ama ọnọ idụt Israel Ibet esie man otịm ido ukpono mmọ ndien, ke ndusụk udomo, man otịm uwem mmọ eke usen ke usen. Ibet oro ama an̄wam ekpeme idụt oro osio ke udọn̄ọ ebe ke ndiwụk ndusụk akpan mbet usanaidem. Orụk ibet oro kiet ekenyene n̄kpọ ndinam ye nte ẹduọkde ifuọ, emi akanade ẹbụk ke isọn̄ ọwọrọ ọkpọn̄ itienna nte odotde man ẹdisabade ikpehe emi mme owo ẹdụn̄de. (Deuteronomy 23:​12, 13) Ibet eset oro osụk edi eti item. Idem mfịn mme owo ẹsidọn̄ọ ẹnyụn̄ ẹkpan̄a sia mîdaha enye isịn ke edinam.a

  • Didie ke Afo Ekeme Ndikama Ufọk?
    Ukpọhọde Inemesịt Ubon

    • a Ke n̄weditem oro etemede nte ẹkemede ndifep utọrọ​—⁠ọsọ udọn̄ọ oro edide ntak n̄kpan̄a ediwak nsek nditọ⁠—​Esop Kaban̄a Nsọn̄idem Ererimbot ọdọhọ ete: “Edieke ufọkekwe mîdụhe: ka ikọt oyom usụn̄ ọkpọn̄ ufọk, onyụn̄ oyom usụn̄ ọkpọn̄ ebiet emi nditọwọn̄ ẹsibrede mbre, ye ke nsụhọde n̄kaha mita 10 oyom usụn̄ ọkpọn̄ ebiet emi ẹsidade mmọn̄; tịbi isọn̄ bụk ifuọ oro.”