• ‘Ẹbat Enye ke Edinen ke Ntak Edinam Esie’
    Enyọn̄-Ukpeme—2013 | November 1

    • RAHAB EKEDI AKPARA

      Rahab ekedi akpara. N̄kpọ emi ama afịna ndusụk mme ekpep n̄kpọ mban̄a Bible ke eset tutu mmọ imaha ndinyịme ke Rahab ekedi akpara, edi ẹdọhọ ke enye ekenyene ufọkisen. Sia Bible mîsisiakke mmọn̄ ke akpanikọ, enye etịn̄ nnennen nnennen ke enye ekedi akpara. (Joshua 2:1; Mme Hebrew 11:31; James 2:25) Mbon Canaan ikadaha usan̄a akpara nte idiọkn̄kpọ. Kpa ye oro, ubieresịt emi Jehovah ọkọnọde kpukpru nnyịn ama anam Rahab ọfiọk ke se inamde ifọnke. (Rome 2:14, 15) Ntre, anaedi bụt ama esinam enye. Kpa nte edide ye ediwak mbon oro ẹsan̄ade akpara mfịn, anaedi Rahab akasan̄a akpara sia enye ekekerede ke n̄kpọ en̄wen idụhe ndinam nda nse mban̄a idem ye mbonufọk imọ.

  • ‘Ẹbat Enye ke Edinen ke Ntak Edinam Esie’
    Enyọn̄-Ukpeme—2013 | November 1

    • ENYE AMA AKAMA MME ISỤN̄UTOM ISEN

      Usen kiet, irenowo iba ẹma ẹwaha edem Rahab. Mmọ ẹkekere ke owo ididiọn̄ọke mmimọ. Kpa ye oro ndịk akanamde kpukpru owo ke obio, ediwak owo ẹkesụk ẹse usụn̄ okoneyo ye uwemeyo ẹte ise m̀mê iyokụt nditọ Israel ẹdide uyep. Anaedi Rahab ọtọn̄ọ ndikere ke irenowo iba emi ẹdi mbon uyep. Mme owo ẹma ẹsiwaha ufọk esie ntre, edi irenowo iba emi ikoyomke n̄kpọ en̄wen ikan itienna.