¹⁰ Didie ke mbonekọn̄ oro ẹkesisịnde idem ẹnam utom mi ẹkenam n̄kpọ ye mme ekpemerọn̄ Nabal? Ikpọkọsọn̄ke mmọ ndisimụm erọn̄ kiet nda n̄n̄wam idem ke ini ke ini, edi mmọ ikanamke oro. Mmọ ẹkekam ẹkpekpeme erọn̄ Nabal ye mme ekpemerọn̄ esie. (Kot 1 Samuel 25:15, 16.) Erọn̄ ye mme ekpemerọn̄ ẹma ẹsisobo ata ediwak n̄kpọndịk. Mme unam emi ẹsitade ekemmọ unam ẹkeyọyọhọ ini oro. Mme inọ ẹma ẹsito adan̄a Israel oro okodude ekpere ẹdiyịp n̄kpọ.b