3. Nte ẹwetde ke Job 38:22, 23, 25-29, mme n̄kpọ ewe ke Abasi okobụp aban̄a?

³ Ke idaha kiet, Abasi ama obụp Job ete: “Nte afo ama odụk ke ebiet unịm snow? Ama onyụn̄ okụt ebiet unịm edịm-itiat, emi nnịmde mbet ini ufen, mbet usen en̄wan ye ekọn̄?” Ke ediwak ikpehe isọn̄ nnyịn, snow ye edịm itiat ẹdi n̄kpọ oro ẹmehede. Abasi ama aka iso ete: “Anie akasiak udiọn̄ mmọn̄ ọnọ ukwọ? ye usụn̄ obuma, ye uyom enyọn̄? Onyụn̄ esịn edịm edep ke isọn̄, eke owo mîdụhe; ke wilderness eke owo mîdụhe ke esịt; anam ikpîkpu ye edibiara isọn̄ oyụhọ; onyụn̄ anam ebiet eke mbiet ọkọride, afiari? Nte edịm enyene ete? Anie n̄ko obon ntọi mbara? Ice oto ke idịbi anie? Anie onyụn̄ aman hoar frost enyọn̄?”—Job 38:22, 23, 25-29.

7. Ifiọk owo kaban̄a edịm ekpri adan̄a didie?

⁷ Nso kaban̄a edịm? Abasi ama obụp Job ete: “Nte edịm enyene ete? Anie n̄ko obon ntọi mbara?” Kpa n̄wed ofụri orụk ntaifiọk oro ọdọhọ ete: “Ke ntak ediwak n̄kukọhọ isan̄ ofụm ye ikpọ ukpụhọde oro ẹdude ke ntụhube ye n̄kpatan̄a n̄kpọ ẹdude ke ofụm, etie nte owo ikemeke ndinọ ọyọhọ ntọt, ye ọsọ ekikere ke nte obubịt enyọn̄ ye mbara ẹtọn̄ọde.” Ke nditịn̄ ke mmemmem usụn̄, ntaifiọk ẹmenọ nsio nsio ekikere, edi mmọ ke akpanikọ ikemeke nditịm nnam edịm an̄wan̄a. Edi, afo ọmọfiọk ete ke edịm esidep, ọnọ isọn̄ mmọn̄, anam mme eto ẹdu uwem, onyụn̄ anam uwem ẹkeme ndidu onyụn̄ enem.