Tuak Ibuot Nọ Jehovah Ye Ubọk Eke Ẹsanade

KE IDAK ndausụn̄ odudu spirit, David, andiwet psalm, ọkọkwọ ete: “Nyeyet ubọk mi ẹsana: ndien nyekanade itie-uwa fo n̄kụk, O Jehovah.”—Psalm 26:6.

Ke nditịm mme ikọ ẹmi, ekeme ndidi David eketịn̄ otụk ido edinam emi mme oku Levite eke Israel ẹkesidọkde udịghi ukot itieuwa ẹnyụn̄ ẹdori mme uwa mmọ ke ikan̄. Edi mbemiso edinam utuakibuot emi, ama esiyom mme oku ẹyet ubọk ye ukot mmọ. Emi ikedịghe n̄kpọ mbubru. Edikpu ndinam mbemiso usio-ukot emi ekeme ndinam oku ataba uwem esie!—Exodus 30:18-21.

Ke nditịn̄ ke ndamban̄a usụn̄, ediyere mmọn̄ esisụn̄ọ ke edisana idaha ke n̄kan̄ eke spirit ye eke ido uwem. (Isaiah 1:16; Ephesus 5:26) Jehovah oyom nnyịn ‘isan̄a ikanade itieuwa esie’ mfịn ebe ke ndinam n̄kpọ nnọ enye. Edi enye oyom ete nnyịn inam ntre ye ubọk eke ẹsanade—nte David ekesịnde emi, ubọk eke ẹyetde “ẹsana.” Emi idịghe ekpri n̄kpọ, koro mbon oro ẹnamde mbubiam ido ididaha Obio Ubọn̄ Abasi inyene. (Galatia 5:19-21) Uwem ke utom Abasi inọhọ owo ubiọn̄ ndisịn idem ke oburobụt eduuwem. Ntre apostle Paul ama ewet ete: “Ntọn̄ọ idem mi ita, nnam enye odụk ufụn, mbak, ke mma n̄kọkwọrọ nnọ owo en̄wen, ke usụn̄ ekededi ẹdisio mi ke idem mi ẹduọk.”—1 Corinth 9:27.

Ana mbon oro ẹyomde ndinyene unyịme Abasi ye ata inemesịt ẹnam n̄kpọ Jehovah ye ubọk eke ẹsanade. Nte David, mmọ ẹsan̄a “ke ofụri esịt nte enende.”—1 Ndidem 9:4.