Bible etịn̄ n̄kpọ kiet emi ediwak nnyịn idiọn̄ọde; Bible ọdọhọ ke uwem nnyịn omụhọ onyụn̄ ọyọhọ ye ukụt. (Job 14:1) Ndi nte Abasi oyomde uwem nnyịn etie edi oro? Edieke enye mîyomke etie ntre, enye oyom etie didie? Ndi emekere ke ini eyedi emi n̄kpọ editiede ye nnyịn nte Abasi oyomde? Se nte Bible ọbọrọde mbụme oro yak enen̄ede enem.

1. Jehovah Abasi oyom n̄kpọ etie didie ye nnyịn?

Jehovah oyom nnyịn ikop ata inemesịt, ikûnyụn̄ unyene mfịna ndomokiet. Enye okobot akpa ete ye eka nnyịn, Adam ye Eve, esịn ke Paradise ke In̄wan̄ Eden. “Abasi [ama] ọdiọn̄ mmọ, Abasi [ama] onyụn̄ ọdọhọ mmọ ete: ‘Mbufo ẹtọt ẹnyụn̄ ẹwak ẹnyụn̄ ẹyọhọ ke isọn̄ ẹnyụn̄ ẹkan enye.’” (Genesis 1:​28) Enye okoyom mmọ ẹnyene nditọ, ẹnam ofụri isọn edi Paradise, ẹnyụn̄ ẹse ẹban̄a mme unam. Jehovah ikoyomke mme owo ẹdọn̄ọ; enye okoyom mme owo ẹdu uwem ke nsinsi.

Imọdiọn̄ọ ke n̄kpọ itiehe aba nte Abasi okoyomde,a edi Abasi ifreke se enye akaduakde. (Isaiah 46:​10, 11) Enye ayanam mbon oro ẹkopde item esie ẹnyụn̄ ẹnamde se enye ọdọhọde ẹdu uwem ke ini n̄kpọ edifọnde ima.​—Kot Ediyarade 21:​3, 4.

2. Nso idinam uwem nnyịn enyene ufọn idahaemi?

Jehovah Abasi okobot nnyịn ke usụn̄ emi edinamde ọdọdọn̄ nnyịn ndinam n̄kpọ esie nnyụn̄ n̄kpono enye. (Kot Matthew 5:​3-6.) Abasi oyom nnyịn ikpere imọ, “isan̄a ke usụn̄ esie, inyụn̄ inam n̄kpọ esie ke ofụri esịt.” (Deuteronomy 10:12; Psalm 25:14) Ikpanam se Abasi oyomde emi, iyokop ata inemesịt inamke n̄kpọ m̀mê nso utọ mfịna isịm nnyịn. Esịt esinem nnyịn ima inam n̄kpọ Jehovah, sia imọdiọn̄ọ ke nnennen n̄kpọ ke inam oro.

3. Jehovah oyom uwem enen̄ede enem nnyịn

Se VIDIO emi, ekem ẹbọrọ mbụme emi ẹnyụn̄ ẹneme ẹban̄a enye.

VIDIO: Ntak Emi Abasi Okobotde Isọn̄ Emi?​—Ekpri Esie (1:41)

• Nso ikanam Jehovah Abasi obot isọn̄ emi ye ndiye n̄kpọ emi ọyọhọde enye?

Kot Ecclesiastes 3:​11, ekem ẹbọrọ mbụme emi ẹnyụn̄ ẹneme ẹban̄a enye:

• Nso ke itie Bible emi anam fi ọdiọn̄ọ aban̄a Jehovah?

4. Jehovah osụk oyoyom n̄kpọ etie ye nnyịn nte enye okoyomde

Kot Psalm 37:​11, 29 ye Isaiah 55:​11, ekem ẹbọrọ mbụme emi ẹnyụn̄ ẹneme ẹban̄a enye:

• Nso iwụt ke Jehovah osụk oyoyom n̄kpọ etie ye nnyịn nte enye okoyomde?

5. Ndinam n̄kpọ Jehovah esinam uwem nnyịn enyene ufọn

VIDIO: Mma Ndikụt Ufọn Uwem Emi (5:03)

• Nso ke ndidiọn̄ọ ufọn uwem akanam ọnọ Terumi?

Kot Ecclesiastes 12:​13, ekem ẹbọrọ mbụme emi ẹnyụn̄ ẹneme ẹban̄a enye:

• Nso ke ikpanam man iwụt ke imama ofụri se Jehovah anamde ọnọ nnyịn?

SE IKPEPDE

Jehovah oyom nnyịn idu uwem ke nsinsi ke isọn̄ emi n̄kpọ ọfọnde ama. Ikpanam n̄kpọ Jehovah ke ofụri esịt, iyokụt ufọn uwem emi​—idem idahaemi.

Se M̀mê Emeti

• Jehovah okoyom uwem Adam ye Eve etie didie? Nso ke enye okonyụn̄ oyom mmọ ẹnam?

• Nso iwụt ke Jehovah osụk oyoyom n̄kpọ etie ye mme owo nte enye okoyomde?

• Nso idinam nnyịn inen̄ede ikụt ufọn uwem emi?

KPEP N̄KPỌ EN̄WEN

Se se iwụtde ke In̄wan̄ Eden ama odu.

“Ndi Mbụk In̄wan̄ Eden Edi N̄ke?” (Enyọn̄-Ukpeme, January 1, 2011)

Se se inamde inen̄ede idiọn̄ọ ke isọn̄ emi edidu ke nsinsi.

“Ndi Ẹyesobo Isọn̄ Emi?” (Odu ke jw.org)

Se n̄kpọ emi Bible ọdọhọde ke esinam uwem owo enyene ufọn.

“Ntak Emi Idude Uwem?” (Odu ke jw.org)

Se nte owo emi ekekerede ke imenyene kpukpru n̄kpọ ekedide edikụt n̄kpọ kiet emi enye mîkenyeneke.

Mmokụt Ufọn Uwem Mi Ndien 3:​55

2. Jesus akara ye mmanie?

Jesus ikarake ikpọn̄. Mme owo emi ẹtode “kpukpru esien ye usem ye obio ye idụt . . . ẹyekara isọn̄ nte ndidem.” (Ediyarade 5:9, 10) Owo ifan̄ iditiene Christ ikara? Ediwak miliọn owo ẹkabade ẹdi mme Christian tọn̄ọ Jesus ekedi isọn̄. Edi owo 144,000 kpọt ke otu mmọ ẹdika heaven iketiene Jesus ikara. (Kot Ediyarade 14:1-4.) Kpukpru mme Christian eken ẹdidu uwem mi ke isọn̄, ukara Abasi ama edisịm ofụri isọn̄.​—Psalm 37:29.

Ukara Abasi ama ọtọtọn̄ọ ke heaven. Ibịghike ukara oro eyedi edinam n̄kpọ ọfọn ke isọn̄. Yak ineme ndusụk nti n̄kpọ emi editịbede ke Obio Ubọn̄ Abasi.

1. Nso idinam ufịk etre inyụn̄ inam emem odu ke isọn̄ ke Obio Ubọn̄ Abasi?

Jesus edi Edidem Obio Ubọn̄ Abasi; enye oyosobo kpukpru ndiọi owo ye ukara owo ke ini ekọn̄ Armageddon. (Ediyarade 16:14, 16) Ini oro ke itie Bible emi ọdọhọde ke “ayak esisịt, idiọkowo ididụhe aba” edisu ke kpukpru itie. (Psalm 37:10) Ke ukara Abasi, Jesus ayanam n̄kpọ man okụt ete ke ufịk etre, ke emem onyụn̄ odu ke ofụri isọn̄.​—Kot Isaiah 11:4.

2. N̄kpọ editie didie ẹma ẹnam uduak Abasi ke ofụri isọn̄?

“Ndinen owo ẹyeda isọn̄ ẹnyene, ẹnyụn̄ ẹdụn̄ ke esịt ke nsinsi” ukara Abasi ama edi edisịm isọn̄. (Psalm 37:29) Kere nte uwem editiede ini kpukpru owo ke isọn̄ ẹdimade Jehovah, ẹma mbon en̄wen, ẹnyụn̄ ẹnam nti n̄kpọ kpukpru ini! Owo ididọn̄ọke aba; owo idikpaha aba.

3. Nso iditịbe ke Obio Ubọn̄ Abasi ẹma ẹsobo ndiọi owo ẹma?

Jesus ayakara isọn̄ ke isua 1,000 ẹma ẹsobo ndiọi owo ẹma. Enye ye owo 144,000 oro ẹditienede enye ikara ẹyeda ini oro ẹnam mme owo ẹfọn ẹma. Isua 1,000 oro etikụre, n̄kpọ ọyọfọn ama ke ofụri isọn̄​—mme owo ẹyekop ata inemesịt sia kpukpru owo ẹdidu uwem nte Jehovah ọdọhọde. Ini oro ndien ke Jesus edifiak ikpọn̄ ukara inọ Jehovah Ete esie. ‘Ẹyenam enyịn̄ Jehovah asana’ ke ofụri enyọn̄ ye isọn̄. (Matthew 6:9, 10) Etisịm ini oro, kpukpru owo ke enyọn̄ ye isọn̄ ẹyenen̄ede ẹkụt ke Jehovah edi eti Andikara oro amade mbon emi enye akarade. Jehovah Abasi oyosobo Satan ye mme demon esie, ye owo ekededi emi mîsụkke ibuot inọ ukara Abasi. (Ediyarade 20:7-10) Ukara Abasi ayanam n̄kpọ ọfọn ama ke nsinsi nsinsi.

SỊN IDEM KPEP

4. Ukara owo ididụhe ke Obio Ubọn̄ Abasi

‘Owo akara owo tutu ọnọ enye unan.’ (Ecclesiastes 8:9) Jehovah Abasi ayanam ufịk etre Obio Ubọn̄ esie ama edisịm ofụri isọn̄ emi.

Kot Daniel 2:44 ye 2 Thessalonica 1:6-8, ekem ẹbọrọ mbụme emi ẹnyụn̄ ẹneme ẹban̄a mmọ:

• Nso ke Jehovah ye Jesus Eyen esie ẹdinam ukara owo ye mbon emi ẹdade ẹnọ ukara owo?

• Nso ke afo ọdiọn̄ọ aban̄a Jehovah ye Jesus, emi anamde fi enịm ke se mmọ ẹdinamde eyenen onyụn̄ ọfọn?

5. Jesus odot ndikara

Jesus edi Edidem Obio Ubọn̄ Abasi. Enye ayanam ata ediwak nti n̄kpọ ọnọ mme owo mi ke isọn̄. Se VIDIO emi ke oyokụt nte Jesus okowụtde ke Abasi ama ọnọ imọ odudu ndin̄wam mme owo, ke esinyụn̄ enenem imọ ndinam oro.

VIDIO: Jesus Ama Owụt Se Iditịbede ke Obio Ubọn̄ Abasi (1:13)

Se Jesus akanamde ini enye okodude mi ke isọn̄ owụt se iditịbede Obio Ubọn̄ Abasi ama edisịm isọn̄. Ke otu mme n̄kpọ oro ẹbatde mi, ewe ye ewe inen̄ede idọn̄ fi ndikụt? Kot mme itie Bible emi ẹtịn̄de mme n̄kpọ oro ke page oro etienede.

6. Obio Ubọn̄ Abasi eyenem tutu

VIDIO: Nte Ini Iso Editiede (4:38)

Kot Psalm 145:16, ekem ẹbọrọ mbụme emi ẹnyụn̄ ẹneme ẹban̄a enye:

• Etie fi didie ndidiọn̄ọ ke Jehovah ọyọnọ kpukpru mme odu-uwem n̄kpọ kpukpru se mmọ ẹyomde?

SE IKPEPDE

Ukara Abasi ayanam se Abasi oyomde. Ukara Abasi ayanam ofụri isọn̄ ọfọn ama onyụn̄ enen̄ede eye ọnọ ata ikọt Abasi, ndien mmọ ẹyedu uwem ke nsinsi.

Se M̀mê Emeti

• Nso ke edinam Obio Ubọn̄ Abasi ama edi man enyịn̄ Abasi asana?

• Nso iwụt ke se Abasi ọn̄wọn̄ọde ke Bible eyetịbe ke Obio Ubọn̄ Abasi?

• Nso ye nso ke afo enen̄ede oyom ndikụt ke Obio Ubọn̄ Abasi?

KPEP N̄KPỌ EN̄WEN

Se se Armageddon edide.

“Nso Idi Ekọn̄ Armageddon?” (Odu ke jw.org)

Se se iditịbede ke ini emi Jesus okokotde “akwa ukụt.”—Matthew 24:21.

“Nso Idi Akwa Ukụt” (Odu ke jw.org)

Se nte ubon ẹkemede nditie ntre nneme mban̄a se iditịbede ke Obio Ubọn̄ Abasi.

Kere Nte Odude ke Paradise (1:50)

Se ibuotikọ emi, “Enyene Mme N̄kpọ Emi Ẹkesụk Ẹfịnade Mi,” ke oyokụt se ikan̄wamde owo emi ekesisọn̄de ibuot ye ukara.

“Bible Okpụhọde Mme Owo” (Enyọn̄-Ukpeme, January 1, 2012)