UKPEPN̄KPỌ 48
Sasat Ufan
Mme ufan nnyịn ẹkeme ndinam nnyịn ikop inemesịt, ẹnyụn̄ ẹkeme ndisọn̄ọ nnyịn idem ke ini mfịna esịmde nnyịn. Edi ti ke Bible etịn̄ ke idịghe kpukpru owo ẹdi nti ufan. Nso idin̄wam fi enyene nti ufan? Se idinemede emi ayan̄wam fi.
1. Nso ke mme ufan fo ẹkeme ndinam?
Nnyịn mme owo imesiwak ndikere n̄kpọ nnyụn̄ nnam n̄kpọ nte mbon emi nnyịn isisan̄ade ntre m̀mê isidude ntre. Imesikpebe nti n̄kpọ m̀mê ndiọi n̄kpọ ito mmọ, m̀mê isikụt mmọ iso ye iso m̀mê isikụt ke Intanet kpọt. Bible ama etetịn̄, sia Bible ọkọdọhọ ete: “Owo eke asan̄ade ye mbon ọniọn̄ eyenyene ọniọn̄, edi ọyọdiọk ye owo eke odụkde nsan̄a ye mme ndisịme”—mbon emi mîmaha Jehovah ke Bible okot mme ndisịme. (Mme N̄ke 13:20) Akpadian idem, m̀mê edi ufan, ye mbon emi ẹmade Jehovah, mmọ ẹyen̄wam fi enen̄ede ekpere enye, ẹyenyụn̄ ẹn̄wam fi esinam nnennen n̄kpọ. Edi edieke edide ufan ye mbon emi mîmaha Jehovah, mmọ ẹkeme ndinam fi ọkpọn̄ Jehovah. Omokụt do ntak emi Bible ọdọhọde nnyịn isasat ufan! Ikpedi ufan ye mbon emi ẹmade Abasi, mmọ ẹyen̄wam nnyịn, nnyịn inyụn̄ in̄wam mmọ. Iyọsọn̄ọ mmọ idem, mmọ ẹnyụn̄ ẹsọn̄ọ nnyịn idem, iyonyụn̄ in̄wam idem nnyịn man ikaka iso ikpere Abasi.—1 Thessalonica 5:11.
2. Nso inam ebehe Jehovah m̀mê mmanie idi ufan fo?
Jehovah isidịghe ufan ye owo ekededi. Bible ọdọhọ ke “enye edi ata ufan ye ndinen owo.” (Mme N̄ke 3:32) Ekere ke etie Jehovah didie edieke idide ufan ye mbon emi mîmaha enye? Esibiak enye etieti! (Kot James 4:4.) Edi esinem enye ima itre idiọk ndụk inyụn̄ idian idem ye enye ye mbon emi ẹmade enye.—Psalm 15:1-4.
SỊN IDEM KPEP
Se ntak emi ọfọnde edi ufan ye nti owo, ye nte akpanamde enyene mme ufan emi edide afo an̄wam mmọ, mmọ ẹn̄wam fi.
3. Kpeme idem ye idiọk nsan̄a
Mbon emi mîmaha Abasi ye ibet esie idịghe nti nsan̄a. Se VIDIO emi, ekem ẹbọrọ mbụme oro etienede ẹnyụn̄ ẹneme ẹban̄a enye.
Didie ke owo ekeme nditọn̄ọ ndụk idiọk ndụk edi idiọn̄ọke?
Kot 1 Corinth 15:33, ekem ẹbọrọ mbụme emi ẹnyụn̄ ẹneme ẹban̄a mmọ:
Mmanie ke afo ekeme ndida nte ndiọi nsan̄a? Nso inam ọdọhọ ntre?
Kot Psalm 119:63, ekem ẹbọrọ mbụme emi ẹnyụn̄ ẹneme ẹban̄a enye:
Mmanie ke ekpemek nte ufan?
Mbiara mfri kiet ekeme ndibiat mfri en̄wen?
4. Nsio nsio owo ẹkeme ndidi nti ufan
Mbụk David ye Jonathan odu ke Bible; mmọ mbiba ẹketo Israel. Jonathan ama ọsọn̄ọ David ọnọn̄ọ mmọn̄, edi kpa ye oro mmọ mbiba ẹkedi ata nti ufan. Kot 1 Samuel 18:1, ekem ẹbọrọ mbụme emi ẹnyụn̄ ẹneme ẹban̄a enye:
Ntak emi nnyịn mîkpedịghe ufan ye mme ubọkn̄ka nnyịn kpọt m̀mê ye mbon emi ẹnyụn̄ ẹtiede nte nnyịn kpọt?
Kot Rome 1:11, 12, ekem ẹbọrọ mbụme emi ẹnyụn̄ ẹneme ẹban̄a enye:
Didie ke mme ufan emi ẹmade Jehovah ẹkeme ndin̄wam idemmọ?
Ke vidio emi, oyokụt nte ekpri akparawa kiet okokụtde eti ufan ke itie enye mîkekereke. Se VIDIO emi, ekem ẹbọrọ mbụme oro ẹtienede ẹnyụn̄ ẹneme ẹban̄a mmọ.
Ke vidio oro, nso ikanam ete ye eka Akil ẹkûma utọ mbon oro Akil akadade nte mme ufan ke ufọkn̄wed?
Nso ikanam Akil ekere akpa akpa ke mme ufan esie oro ẹfọn?
Nso ikedinam enye okûkpa ndobo aba?
5. Nte ikpanamde inyene nti ufan inyụn̄ idi nti ufan
Se nte akpanamde enyene nti ufan, ye se idin̄wamde fi n̄ko edi eti ufan. Se VIDIO emi.
Kot Mme N̄ke 18:24 ye 27:17, ekem ẹbọrọ mbụme emi ẹnyụn̄ ẹneme ẹban̄a mmọ:
Didie ke nti ufan ẹsin̄wam idemmọ?
Ndi mme ufan fo ẹsinam ntre? Ekpedi isinamke, edinam didie inyene nti ufan emi ẹsinamde ntre?
Kot Philippi 2:4, ekem ẹbọrọ mbụme emi ẹnyụn̄ ẹneme ẹban̄a enye:
Okpoyom ndinyene eti ufan, ana afo ke idemfo edi eti ufan. Nso ke akpanam man edi eti ufan?
Okpoyom ndinyene eti ufan, ana afo ke idemfo edi eti ufan
NDUSỤK OWO ẸSIDỌHỌ ẸTE: “Owo ikemeke ndibiat mi.”
Nso ke ọkpọdọhọ utọ owo oro?
SE IKPEPDE
Ikpasasat mbon emi idade nte ufan, ọyọfọn ye nnyịn; Jehovah oyonyụn̄ okop inemesịt.
Se M̀mê Emeti
Nso inam ebehe Jehovah m̀mê mmanie idi ufan nnyịn?
Mmanie ke nnyịn mîkpodụkke ndụk?
Idinam didie inen̄ede idi ufan ye mbon emi ẹmade Jehovah?
KPEP N̄KPỌ EN̄WEN
Se nte nti ufan ẹkemede ndin̄wam nnyịn ke ini afanikọn̄.
“Nam N̄kpọ Man Enyene Ata Nti Ufan Mbemiso Utịt Edi” (Enyọn̄-Ukpeme, November 2019)
Se se idin̄wamde fi enyene nti ufan.
Nso ke ana ọdiọn̄ọ aban̄a ndidi ufan ye mme owo ke Intanet?
Ke mbụk emi “Mma Nnen̄ede Nyom Ete,” se se ikanamde ete kiet okpụhọ mme ufan esie.