6. Didie ke prọfet oro etịn̄ aban̄a andikan eke ini iso?

⁶ Ebede ke Isaiah, Jehovah ama ebem iso etịn̄ aban̄a andikan oro edinyan̄ade ikọt Abasi osio ke Babylon onyụn̄ ada ubiereikpe ọsọk mme asua mmọ. Jehovah obụp ete: “Anie ekedemede owo ke edem usiaha-utịn? Edinen ido oyokot enye edi ke ọtọ ukot esie? Ẹyeda mme idụt ẹnịm enye ke iso, ẹyenam enye edịghi ndidem; ayada mmọ ọnọ ofụt esie, nte ntan, ọnọ utịgha esie, nte mbio eke ẹkpọride ẹfep. Enye eyebịne mmọ, ayasan̄a ebe ke ifụre; idisan̄ake ke usụn̄ ukot esie. Anie ekesịn okonyụn̄ anam, ke okot mme emana toto ke editọn̄ọ? Ami Jehovah, akpa, emi nnyụn̄ ndude ke akpatre; ami ndi Enye.”—Isaiah 41:2-4.

8. Nso ke Jehovah ikpọn̄ ekeme ndinam?

⁸ Ntem, ebede ke Isaiah, Jehovah ebem iso etịn̄ aban̄a Cyrus ndidaha nda anyan ini mbemiso edidem oro amanade. Abasi akpanikọ kpọt ekeme nditịn̄ utọ ntịn̄nnịm ikọ oro nnennen nnennen. Jehovah inyeneke n̄ka ke otu mme nsunsu abasi eke mme idụt. Ye eti ntak, Jehovah ọdọhọ ete: “Nnọhọ owo efen ubọn̄ mi.” Jehovah kpọt ekeme ndidọhọ nte enende ete: “Ami ndi mbemiso, ami nnyụn̄ ndi akpatre; ndien baba owo kiet idụhe ke mîbọhọke ami.”—Isaiah 42:8; 44:6, 7.