• Ifọnke-Fọn Inọ In̄wan̄ Vine Eke Mînamke Akpanikọ!
    Ntịn̄nnịm Ikọ Isaiah—Un̄wana Ofụri Ubonowo I

    • 25, 26. Ewe idiọk ekikere oro nditọ Israel ẹkenyenede ke Isaiah ayarade ke ọyọhọ nnama ita ye inan̄ oro enye atan̄ade?

      25 Idahaemi kop ọyọhọ nnama ita ye inan̄ ẹmi Isaiah atan̄ade: “Ifọnke fọn inọ mmọ eke ẹdade urụk nsu ẹdụdi idiọk ido, ẹda idụt ukpat-n̄kpọ ẹdụdi ukwan̄-n̄kpọ: mmọ ẹmi ẹdọhọde ẹte, “Yak enye awara, yak ọsọp ubọk anam utom esie, man nnyịn ikụt: yak uduak Edisana Abasi Israel onyụn̄ asan̄a edikpere, man nnyịn ifiọk!” Ifọnke fọn inọ mmọ eke ẹdọhọde ẹban̄a idiọk, ẹte, Eti, ẹban̄a eti, ẹte, Idiọk: eke ẹnịmde ekịm ke un̄wana, ẹnịm un̄wana ke ekịm; eke ẹnịmde idot ke inịn̄e, ẹnịm inịn̄e ke idot!”—Isaiah 5:18-20.

      26 Nso in̄wan̄în̄wan̄ ndise ke emi owụt ntem aban̄a mme anam idiọkn̄kpọ! Mmọ ẹsọn̄ọ ẹyịre ke idiọkn̄kpọ nte mme enan̄ mbiomo ẹmi ẹyịride ke ukpatn̄kpọ. Mme anamidiọk ẹmi ikopke ndịk iban̄a usen ubiereikpe ekededi oro edide. Mmọ ẹdọhọ ke emiom ẹte: “Yak [utom Abasi] ọsọp edi!” Utu ke ndisụk ibuot nnịm Ibet Abasi, mmọ ẹyụrọde mme n̄kpọ, ẹdọhọ ẹte ke ‘eti edi idiọk, idiọk edi eti.’—Men Jeremiah 6:15; 2 Peter 3:3-7 domo.