• ‘Ẹdi Nnyịn Ikpe Ikọ’
    Ntịn̄nnịm Ikọ Isaiah—Un̄wana Ofụri Ubonowo I

    • 5. Nso idi ndusụk edinam utuakibuot oro mme Jew ẹnamde, ndien ntak emi mmọ ẹkabarede ẹdi ‘mbiomo’ ẹnọ Jehovah?

      5 Eyịghe idụhe Jehovah ke emi adade usem oro akam ọsọn̄de akan! “Mbufo ẹkûda aba uwa nsu ẹdi; mmese incense ke n̄kpọ mbubiam; kpa ntre ke nse ọfiọn̄, ye sabbath, ye edikot esop: n̄kwe nte nyọde idiọk ido [odudu oro akande eke owo, NW] ye ederi. Ukpọn̄ mi asasua mbufa ọfiọn̄ mbufo, ye ini esop mbufo: mmọ ẹmekabade ẹdobi mi; mmobiom mmọ tutu n̄kpa mba.” (Isaiah 1:13, 14) Uwa, incense, Sabbath, ye edikot esop kpukpru ẹdi ubak Ibet oro Abasi ọkọnọde Israel. Amaedi “mbufa ọfiọn̄,” Ibet n̄kukụre eteme ete ẹsinịm mmọ, edi nti ido edinam ẹma ẹdiyọhọ edinam emi. (Numbers 10:10; 28:11) Ẹda obufa ọfiọn̄ nte sabbath, ke ini emi mme owo ẹtrede utom ẹnyụn̄ ẹkam ẹsopde idem ndibọ item nto mme prọfet ye mme oku. (2 Ndidem 4:23; Ezekiel 46:3; Amos 8:5) Mme utọ edinam oro ikwan̄ake. Mfịna odu ke ndinam mmọ ke n̄wụtidem. Akan oro, mme Jew ẹwọn̄ọde ẹbịne “odudu oro akande eke owo,” mme edinam ubụpekpo, ọkọrọ ye enyọn̄ enyọn̄ edinịm Ibet Abasi.b Ntem, mme edinam utuakibuot mmọ nnọ Jehovah ẹdi ‘mbiomo’ ẹnọ enye.

  • ‘Ẹdi Nnyịn Ikpe Ikọ’
    Ntịn̄nnịm Ikọ Isaiah—Un̄wana Ofụri Ubonowo I

    • b Ẹkabade n̄ko ikọ Hebrew oro adade ọnọ “odudu oro akande eke owo” nte “se inọde unan,” “se ikande odudu owo,” ye “eke akwan̄ade.” Nte ekemde ye Theological Dictionary of the Old Testament, mme prọfet Hebrew ẹkesida ikọ oro ndikụt ndudue nnọ “mbubịk oro ẹnamde ebe ke edida odudu nnam n̄kpọ ke idiọk usụn̄.”