22. Ke edide isio ye mme edidiọn̄ oro mme anam-akpanikọ ẹdibọde, nso ke Jehovah enịm ọnọ mme anamidiọk?

²² Ukot etop Isaiah afiak okpụhọde. Enye ọdọhọ, “Sese,” nte n̄kpọ eke oyomde ndidụri ntịn̄enyịn mme andikpan̄ utọn̄ nnọ enye. “Enyịn̄ Jehovah ke oto ke anyan ebiet edi, iyatesịt esie ke asak, edemeikan̄ onyụn̄ odobi: ifụtesịt ọyọhọ enye ke n̄kpọk-inua, edeme esie onyụn̄ ebiet ikan̄ eke asakde.” (Isaiah 30:27) Jehovah etre ndisịbe ndụk adan̄aoro, ayakde mme asua ikọt esie ẹtiene usụn̄ idemmọ. Idahaemi enye asan̄a ekpere—nte oyobio emi asan̄ade ekpere—man ebiere ikpe. “Ibifịk esie ebiet akpa mmọn̄ eke ọyọhọde, enye ayabahade esịm kpa ke itọn̄, man enye asak mme idụt ke usak-n̄kpọ nsu: urụk eke anamde mmọ ẹdue oyonyụn̄ eyịre mme idụt ke mban̄.” (Isaiah 30:28) “Akpa mmọn̄ eke ọyọhọde,” emi ẹnyen̄ede ọkpọsọn̄ ọkpọsọn̄ “ke usak-n̄kpọ,” akanade, onyụn̄ ada “urụk” ọbọp mme asua ikọt Abasi. Ẹyesobo mmọ, ndien ubọhọ ididụhe.

[Ndise ke page 312]

Jehovah eyedi ‘ye iyatesịt esie emi asakde, edeme ikan̄ onyụn̄ odobi’