17, 18. Ke nso usụn̄ifiọk ke paradise odu idahaemi, ndien nso utịp ke emi enyene ke idem nnyịn?

¹⁷ Ntre nnyịn imekeme ndise Isaiah ibuot 35, inyenede edisu idahaemi eke Isa 35 ufan̄ikọ 1 osịm 8 ke ekikere. Ndi inaha in̄wan̄în̄wan̄ nte ke nnyịn imokụt se ẹkotde ke nnennen usụn̄ paradise eke spirit? Baba, enye idịghe mfọnmma—idịghe kan̄a. Edi enye ke akpanikọ edi paradise, koro mi nnyịn imekeme, nte ẹtịn̄de ke Isa 35 ufan̄ikọ 2, ndibem iso n̄kụt ‘ubọn̄ Jehovah, ye uyai Abasi nnyịn.’ Ndien nso idi utịp? Isa 35 Ufan̄ikọ 10 ọdọhọ ete: “Ndien mmọ eke Jehovah akafakde ẹyefiak ẹdi ke Zion ẹkwọ ikwọ, [ndien idatesịt ke ini emi mînyeneke utịt, NW] onyụn̄ ayara mmọ ke ibuot: mbre ye idatesịt ẹyesịm mmọ, mfụhọ ye eseme ẹyefen̄e.” Ke akpanikọ, nnyịn ndiwọrọ ke nsunsu ido ukpono ye nnyịn ndibịne utuakibuot akpanikọ ke idak mfọn Abasi edi n̄kpọ oro akamade idatesịt.

24. Ntak emi afo ekemede ndinyịme ye ikọ oro odude ke Isaiah 35:10?

²⁴ Isaiah ọn̄wọn̄ọ ọnọ nnyịn ete: “Ndien mmọ eke Jehovah akafakde ẹyefiak ẹdi ke Zion ẹkwọ ikwọ, [ndien idatesịt ke ini emi mînyeneke utịt, NW] onyụn̄ ayara mmọ ke ibuot.” Ntre nnyịn imekeme ndinyịme nte ke nnyịn imenyene ntak ndisio n̄kpo idara. Idatesịt ke se Jehovah anamde kan̄a ọnọ ikọt esie ke paradise eke spirit nnyịn, ye idatesịt ke se nnyịn idoride enyịn ndinyene ke ataata Paradise oro ekperede ndidi mi. Kaban̄a mbon oro ẹkopde idatesịt—kaban̄a nnyịn—Isaiah ewet ete: “Mbre ye idatesịt ẹyesịm mmọ, mfụhọ ye eseme ẹyefen̄e.”—Isaiah 35:10.